You've got a friend

Ég skrifaði þetta hérna í skólanum í dag;

,, Hér sit ég með bekknum mínum í íslenskutíma. Ég er búin að vinna vel í Smáorðum svo ég fékk leyfi til að skrifa. Þetta er fyrsti tíminn í dag og margir illa sofnir, aðrir frekar dofnir. Ein sem snýr sér aftur að mér og syngur með iPodinum mínum, þessir krakkar eru öll frekar fjölbreyttir, mismunandi háralitir, hæðir, andlits föll og síðast en ekki síst persónuleiki. Áhugamálin vanta ekki, hestar, fótbolti, körfubolti, frjálsar, fimleikar, söngur, tónlist, teikningar, dýr og svo margt annað. Allir krakkarnir sem eiga framtíðina fyrir sér, t.d. söngvari, hestakona, fótboltafólk, körfuboltamaður, bóndi, arkitekt og svo er það ég sem ekki er alveg búin að ákveða mig. Suma er mjög auðvelt að pirra algjörlega óvart. Þessir krakkar eru ýmist ágætir vinir mínir, og aðrir betri. Samheldari bekk hef ég ekki vitað um. Flest hef ég vitað af og þekkt síðan í 1. bekk. Flestir krakkarnir hafa verið með mér í bekk frá því í 3. bekk."

 

Lengra komst ég ekki þar sem það var alltaf verið að pikka í mig, reyna að tala við mig og svona. Ég svaraði oftast bara með ha-i þangað til að fólk gafst upp á mér. Þar sem ég var að hlusta á iPodinn minn og hafði frekar hátt, til þess að heyra ekki í þeim og getað unnið.

Fundinum var frestað þangað til á mánudags kvöld svo að planið er að taka til í dag, fara á æfingu og hitta Rafn minn svo í kvöld, long time no seen - nema í skólanum auðvitað.

 
Ég hlustaði mikið á þetta lag með Páli Óskari, það heitir You've got a friend, koma fyrstu tvö erindin hér fyrir neðan

 

When you're down and troubled
and you need some lovin' care
and nothin', nothin' is going right.
Close your eyes and think of me
and soon I will be there
to brighten up even your darkest night.

You just call out my name,
and you know wherever I am
I'll come running to see you again.
Winter, spring, summer, or fall,
all you have to do is call
and I'll be there...
You've got a friend...

Tilraun 3!

Jæja, loksins gef ég mér tíma til að klára hér!
Er farin að halda að ég eigi einhverja leyniaðdáendur.. Margir sem kíkja, en fá komment, en samt alltaf hlý komment, takk fyrir þau öll!!!
Annars já, var ég svona ágætis bland í poka á öskudaginn, ætlaði að vera með nornanef, en fannst það eitthvað svo líkt "einhverju" að ég vildi ekki hafa það. Ég var með þessar tennur í kjaftinum í allan dag og mig svíður enn í tannholdið. reif svolítið upp eitthvað í efri vörinni, þetta sem heldur efri vörinni og gómnum ( húðinni fyrir ofan tennurnar ) smá föstum saman, vonandi skiljið þið hvað ég er að fara. Svo er ég með þvílíkt munnangur. Ég endurtók próf í dag, og vonandi fæ ég aðeins hærri einkunn í því prófinu. Skilaði einmitt líka ritgerðinni minni, sem var hátt upp í 3000 stafir, ekki mikið frá mér í þessari ritgerð skal ég segja ykkur, ef þetta hefði verið um eitthvað áhugaverðara væri ritgerðin án efa hátt fyrir 6000 stöfum. Ákvað jú ekki að fara út að syngja eins og ég sagði hér fyrr í dag, feimnin mun fara með mig annars.
Á morgun ætla ég annað kvöld á fund með Leikfélagi Hornafjarðar og FAS, ætla að koma því á framfæri að ég hafi áhuga á að leika í einhverju. Örugglega mikið skemmtilegra að leika með eldri, þar sem maður mun eflaust læra svo miklu meira af þeim heldur en krökkum sem hafa sjaldan stigið á svið.

Langaði hinsvegar rosalega í bæinn um helgina þar sem það eru jú 4 daga helgi hjá mér, en mamma þarf að vinna, svo að það verður ekkert úr því. Held að fólk þarna í bænum væri alveg til í að sjá mitt brosmilda andlit og hlæja með mér. T.d. Salóme vinkona mín, hef ekki hitt hana síðan einhverntíma síðasta sumar ef ég man það nú!! Eða var það á X-factor?? úff allavega allt of langt síðan ég sá sum andlitin, einhverjir sem ég hef ekki hitt í tvö ár, bara verið í netsambandi við. Alveg hrikalegt sko!

Heyriði! Ég er að gleyma því sem ég ætlaði ekki að gleyma, endilega kíkið á þetta http://hornafjordur.is/frettir/2008/02/06/nr/5144 sko mig og aðra!
Mun koma með áhugaverðra blogg á morgun vonandi, allavega segi ég ykkur frá fundinum hvernig hann gekk fyrir sig.

HEYR HEYR, ÉG ER AÐ LEITA MÉR AÐ STARFI SEM ER HÆGT AÐ VINNA Á NETINU EÐA BARA Í TÖLVUNNI, T.D. SMÁGREIN HJÁ BLÖÐUM EÐA EITTHVAÐ, FYRIR SMÁ PENING EÐA ENGANN, ENDILEGA HAFIÐI SAMBAND EF YKKUR LÝST EITTHVAÐ Á MIG Á NETFANG MITT  [e-mail] ! Ég svara ekki símhringingum, enda yrði það frekar óhugnarlegt þar sem ég hef hvergi sett það inn. Ég get gefið þeim sem hefur samt áhuga símanúmerið hjá mér..

Hrikalegt!

Hvað er svona flott við þessi nöfn, reyndar hélt ég að Æsir vær nú leyft fyrir. En annars hvað fær fólk útúr því að skíra greyið börnin sín þetta. Ég veit ekki hvort börnin verða sérlega stolt af nöfnum sínum, annað en að þau eru þá ein af fáum sem heita þetta. Hrikalegt hvað mannanafnanefndin gerir margar skyssur. Þau tóku það hreint ekki í mál á sínum tíma þegar var verið að skíra mig, að það mætti skíra mig eftir ömmu minni, Pölmu Róslín. Hvað er í gangi spyr ég nú bara, finnst alveg hrikalega lélegt af þeim að samþykkja svona nöfn.

Heyrið í mér seinna í kvöld - er að fara að taka til í tölvunni..

Guja og Vár en ekki Curver

Öskudagur upprunninn er...

.....og allir eru að skemmta sér!

Nema ég reyndar, þar sem ég hætti við að fara út að syngja, finn til með litlu krökkunum sem koma og ætla að syngja og allt er búið. En ég fagnaði þó deginum með príði og skal ég bara sýna ykkur hversu vel, reyndar á ég enga ofboðslega góða mynd af mér en hérna eru tvær.

Læt heyra í mér betur í kvöld

Fallegt lag

Mér finnst þetta afskaplega fallegt lag, allavega í flutningi Gladys Knight & The Pips, verð bara að deila textanum með ykkur.

Help me make it trough the night

Take the ribbon from my hair
Shake it loose and let it fall
Layin' soft against your skin
Like the shadow on the wall

Come and lay down by my side
Till the early mornin' light
All I'm takin' is your time
Help me make it through the night

I don't care what's right or wrong
And I won't try to understand
Let the devil take tomorrow
Lord, tonight I need a friend

Yesterday is dead and gone
And tomorrow's out of sight
And it's sad to be alone
Help me make it through the night

I don't care what's right or wrong
I won't try to understand
Let the devil take tomorrow
Lord, tonight I need a friend
Yesterday is dead and gone
And tomorrow's out of sight
And it's sad to be alone
Help me make it through the night
I don't want to be alone
Help me make it through the night


Góða nótt

Ritgerð!

Þar sem ég hef skrifað á hverjum degi frá 1. febrúar, ætla ég að reyna að halda því áfram. Þar sem ég er núna í miðjum ritgerðarskriftum, gengur þetta afar hægt eitthvað. Er að skrifa um ekkert annað en Júpíter, fyrir náttúrufræði, nánar tiltekið stjörnufræði. Ég veit ekki rosalega mikið um Júpíter, en auðvitað nota ég Vísindavefinn mér til hægri handar ( ég er örvhent ef þið skiljið djókið ekki)...
Annars er auðvitað enginn annar en Öskudagurinn á morgun, og auðvitað höldum við á elsta stigi dátt upp á þann dag. Fór með Evu út í búð í dag að kaupa það sem okkur vantaði. Hugsuðum dátt til Árdísar og keyptum auðvitað handa henni líka, þar sem hún þurfti að sinna vinnunni. Annars eftir hálf eitt á morgun fáum við íþróttahúsið til að halda upp á Öskudaginn, þá verða skemmtiatriði, verlaunað flottasta búninginn, marserað og síðast en ekki síst slegið köttinn úr tunnunni...
Megið alls ekki gleyma, að á morgun eigum við Rafn 15 mánaða afmæli saman

Jæja, get ekki haft þetta lengra, þarf að fá mér að borða og klára þessa blessuðu ritgerð, þangað til á morgun! ( Skal henda inn mynd af mér þá í leiðinni síðan af Öskudeginum, verð hrikalega sæt )

Knús

Ættingjartal

Hæfileikar og ekki hæfileikar, fæ þá úr ýmsum áttum, og allra helst frá sjálfri mér. Alltaf er ég að uppgötva mína eigin hæfileika, þó svo ég meti þá ekki til mikils. Reyndar er ekki hægt að kalla allt hæfileika, veit ekki orðið yfir það samt. Þið vitið augljóslega varla hvert ég er að fara, en ég held samt ótröð áfram.

 Í jólafríinu þá byrjaði sá muldringur milli foreldra mína hvaðan ég fengi þennan "góðleika" sem þau telja mig hafa. Þau þrösuðu um það í dágóðan tíma, þangað til ég greip inní og lagði mína hugmynd fram, ég sagði ,, Ég held nú bara að ég fái þetta frá sjálfri mér..". Þá snarstoppuðu þau hjú og jánkuðu því, örugglega enn stoltari af dóttur sinni eftir þetta. Ég ætla ekki að tala um verknaðinn sem kom þessu samtali á milli þeirra, enda skiptir það mig einni máli..
Þá hef ég farið að spá, ég er mjög lítið lík foreldrum mínum, rauðhærð frá langömmu minni. Með nef sem enginn kannast við, reyndar er húmorinn kominn frá pabba, og reyndar frá mömmu líka, ef þið mynduð þekkja þau, þá mynduð þið gapa af ykkur andlitið. En þau eru samt æðisleg þrátt fyrir það, enda húmor mikil..
Ég hef áhuga á mörgu sem fáir hafa áhuga á á mínum aldri, skriftum, að elda, að baka, að leika?, og gera hitt og þetta sem engum öðrum myndi detta í hug að gera. Ég tel mig nokkuð góða í að elda og baka, bara að ég læri uppskriftirnar, þá hafa aldrei neinir smakkað þessa uppskrift betur en hjá mér. Ég tel mig samt alls ekki betri kokk né bakara en hana ömmu mína Rósu (Róslín). Amma mín er algjör snillingur í öllu sem við tengist matreiðslu og bökun, hún fær matvanda krakka til að borða fisk, þar sem hann er alls ekki sem verstur hjá henni. Reyndar hef ég ekki langþráða teiknihæfileika ömmu og mömmu,  það er samt bara tímaspursmál.
Úr pabba ætt er það án efa húmorinn, enda hef ég ekki fundið fyndnara fólk þó víða væri leitað. Ættin hennar mömmu er skemmtileg, þó finnst mér hún alltaf vera mjög yfirveguð, þar sem fólkið kemur frá langömmu minni heitni Sveinborgu og langafa mínum heitnum Jóni Líndal, reyndar er hann ekki blóðtengdur langafi minn, en hann var samt alltaf langafi minn þrátt fyrir það. Ég hef samt aldrei séð eins kraftmikið fólk eins og þau voru, yfirveguð, föst á sýnu og vildu öllum vel. Ég vona að ég fái eitthvað frá þeim, allavega fæ ég háralitinn og þykktina frá langömmu, þetta fallega rauða hár þó ég segi sjálf frá ..
Aftur á móti hafið þið örugglega rekist á frænku mína hérna á blogginu, Laufey Ólafsdóttur, feikna penni með meiru. Get ekki alveg sagt að ég hafi fengið það þaðan, þar sem það er nú svolítið langt á milli. En aftur á móti væri það svo sem ekki galið..

Jæja, gæti haldið endalaust áfram hvað ég á æðislega ættingja, þar sem mér þykir rosalega vænt um þau öll, þó svo að það sé langt á milli og lélegt samband á milli okkar. Vont að búa á Hornafirði þannig séð!

Risaknús til ykkar ættingjar mínir
Og þið hin, knús á ykkur líka

Bolludagurinn er í dag......

Obbossí, ég sem hélt að hann hefði verið í gær, mikill misskilningur þar á ferðum. Er samt búin að borða yfir mig af bollum. Bakaði í skólanum í dag ótrúlega góðar bollur, kom svo heim og fékk mér ágætis bollu. Þoli ekki vatnsdeigsbollur, það er bara eitthvað sem mér líkar ekki við þær! Áðan hinsvegar gerðist ég svo hrikalega dugleg og bakaði enn fleiri bollur, eins og ég fékk í skólanum. Gekk ágætlega fyrir sig, reyndar þurfti ég að byrja upp á nýtt, hnoða svo deigið almennilega saman með höndunum. Aftur á móti eftir allt það bras smökkuðust þær rosalega vel, og át ég algjörlega yfir mig í þetta skipti!

 Veðrið fer versnandi, ekki gott að það snjói svona í þetta risa stóra skautasvell, Hornafjörðinn!!
Aftur á móti þarf ég að læra undir dönsku próf núna, held að ég sleppi með stærðfræðina þar sem ég skildi allt nokkuð vel í síðustu tímum. Spyr bara kennarann ef ég skil ekki eitthvað, til þess eru þeir einmitt. Þarf líka að skila frá mér ritgerð um Júpíter, eftir dönsku lesningin fer maður bara að lesa sig til og byrja.
Mér hefur gengið illa í flestum prófum undanfarið, reyndar fékk ég lága einkunn í stærðfræði, en tók próf aftur og fékk 6. Í samfélagsfræðinni fékk ég hinsvegar 9, Íslenskunni 8,5 ef ég man rétt, danskri málfræði 8,3 ( sagnir sem á að tíðbeygjast ef ég segi rétt frá). Fékk svo skýrsluna mína til baka um bókina Kossa & Ólífur eftir Jónínu Leósdóttur, og fékk heila 9 fyrir. Er samt langstoltust af náttúrufræðinni þó svo að það sé ekkert rosa góð einkunn en ég hækkaði mig samt, fékk heila 7. Þó svo ég hafi glósað eins og ég ætti mér lífið að leysa, upp úr einum kafla!! Var svo í ensku prófi í dag, vonandi að ég hafi skilið öll fyrirmæli rétt.

 

Blaðinu var dreift í hús skólafélaga okkar í dag, held að krakkarnir hafa bara verið nokkuð ánægðir með útkomuna. Allavega er ég það, og það er eitt sem skiptir máli. Voru sirka 20 eintök eftir, held að stelpurnar hafa gefið kennurunum það. Segjandi mig kennarasleikju, minn rass!
Ég á bara léttara með að tala við eldra fólk en mig, og sumu fólki finnst hláturinn minn bara smitandi, þið verðið bara að deila um það!

 Knús

TAKK fyrir öll innlitin, ég met þau til mikils

Leiklistarnámskeið?

Alltaf missi ég af öllu svoleiðis. Ég er búin að vera að leita og leita af leiklistarnámskeiðum. Annað hvort er það bara fyrir þá í þeim bæjarfélögum eða eldri eða yngri en á mínum aldri, alveg ömurlegt!
Mig langar s.s. mjög mikið á leiklistarnámskeið, en aldrei finn ég eitt slíkt, nema að það sé löngu búið. Ég er búin að ákveða að ég ætla án efa í Leikfélag Hornafjarðar, hlakka bara til. Vonandi að maður fái inngöngu, þar sem maður veit aldrei hvað gerist. Ef einhver veit um leiklistarnámskeið í bráð, endilega láta mig vita!!

Pressan er búin, og missti ég af endanum, drap ekki Halldór hann Grétar?, finnst þessi þáttur rosalega flottur, datt aldrei í hug að Íslendingar gætu gert eitthvað svona. Vonandi að það verði sýnt meira af svona efni.

Skólinn á morgun, og ég ekki alveg tilbúin fyrir hann, aðeins að taka mig til og þá get ég sofnað róleg.

Knús og góða nótt

Smá breyting

Jæja fyrst ég er orðin svona virkur bloggari, þá er eins gott að hafa útlitið á hreinu, hvernig lýst ykkur svo á?
Ætla að fikta aðeins meira í þessu kerfi, elska blog.is bara flottasta blogg svæði sem til er á Íslandi!! Vil hrósa mbl.is fyrir mega flott blogg svæði
P.s. Ég vil endilega að þið sem kíkið á bloggið látið vita af ykkur þar sem mér finnst bara gaman að það er búið að koma 20 sinnum inná síðuna mína úr sitthvorum tölvunum!


Knús