Mannaveiðar, Kristin trú, Nafnlausir bloggarar og frægðarför!

Ég hef séð smá part af Mannaveiðum, ég vil ekki vera leiðinleg. En þessi þáttur heillar mig ekki örlítið. Sumir leikarar eru hrikalega lélegir, sum myndskotin eru það sömuleiðis. Liturinn á myndinni er ekki góður og ég get lengi haldið áfram að telja. Þetta eru bara mínar skoðanir á þessum þætti, en svo finnst mér Hilmir Snær alltaf jafn flottur .

Kristin trú. Þegar ég vaknaði í dag heyrði ég í sjónvarpinu frammi. Ég sat við tölvuna í örlítið lengri tíma, gekk svo fram og settist með mömmu fyrir framan skjáinn. Það var stillt á Ríkissjónvarpið og þarna var heimildarmynd um Guðstrúna í Bandaríkjunum. Sumt fannst mér alveg vera komið nóg af, og fólk hræddi mig bara á tímapunkti. Það að vera trúaður, er ekki skilda til að tilbiðja Guð á hverjum degi, gefa honum sál manns. Ég trúi þó á Guð, en ég fer ekki út í oföfgar, vegna þess að þetta er trú, og ég trúi að Guð hafi sent Jesú Krist til jarðar til að hjálpa fólki, færa þeim kærleika.

Nafnleysi á bloggi ætti ekki að koma okkur við. Þó þetta og hitt fólk komi illa fram án nafns, eru líka fleira af fólki sem kemur undir nafni og kemur verr fram en það, og því er skítt sama, við það að vera kannski að brjóta niður sjálfstraust annarra. Bloggarar sem koma nafnlausir fram hafa allir sína ástæður hvers vegna ekki, gæti verið t.d. minnimáttarkennd. Ég er alfarið á móti því að fólk vilji hætt að kíkja inná síður nafnlausra, og hætta að veita þeim einhverja athygli. Þetta eru menn líka, sem hafa kannski gengið í erfiðari hluti en við sjálf, og við eigum að virða þeirra skoðanir á meðan þau eru ekkert ljótt að segja.

Frægðarför mín, sem er rétt að hefjast, magnast með tímanum. Ég ætla mér, með fullri virðingu fyrir sjálfri mér, að komast á toppinn, og að fólk muni nafn mitt. Ýmist fyrir leik og störf, mig langar rosalega að gera svo margt. Ég byrja hér á blogginu, vonandi fæ ég pláss hjá Evu Maríu, því að það mun opna margar leiðir vonandi. Ég hef lengi spáð í hvað mig langar til að verða, en ég hef bara enga ákvörðun tekið og vil byrja á þessu öllu saman. Við lifum aðeins einu sinni, á þessum stað í þessu skinni! Ég vil því gera sem mest fyrir samfélagið okkar og koma mörgu á hreint, mig langar til að verða framtíð Íslands, sjá mig í stjórn í sjónvarpinu að berjast fyrir Ísland, hvað sé því best.
Margir telja mig kannski vitlausa að skrá mig hjá Landsambandi Ungra Frjálslyndra, en það er besta byrjunin fyrir mig, að ég held og viti. Landsamband Ungra Frjálslyndra getur opnað margar leiðir, og þess vegna er gott að koma sér fyrir í þeim hópinum. Eins og flestir vita ætla ég að fara í leiklist þar á undan ..

Ég vona að það hafi verið varið í þessi skrif mín, en núna er ég farin að sníkja ÍS!

Knús

Von um berdreymni

Ég sofnaði seint í nótt, en þegar ég vaknaði mundi ég draum minn. Tók þó smá tíma en hér kemur hann.

Við sátum allir krakkarnir í bekknum á gólfinu í einhverju húsi, þarna voru upptökuvélar fyrir sjónvarpið. Eva María var að spurja spurninga, og sat Sæþór ( sá sem veit allt....) hjá henni að svara spurningum. Hann kláraði og þá spurði Eva María hver vildi vera núna, ég rétti upp hönd og hún var ekki alveg að gefa það upp á bátinn, þó enginn annar var með upp rétta hendi. Hún benti svo á mig, sagði að þessi spurningaleikur væri þess virði, því ef ég myndi vinna fengi ég að fara í alvöru sjónvarpsþátt, man ekki hvað hún sagði að hann héti. Hún sagði mér einnig að þessi spurningaleikur myndir bara ganga frá kl. 10 til kl. 11. Ég var að æfa mig við hinar ýmsu spurningar, svo fór sá sem var að hjálpa mér og allt í einu voru þarna fólk úr einhverjum bíómyndum!!! ( ekki eins og mig dreymi það á hverjum degi!!). Sem var alveg stórfurðulegt, þarna mátti m.a. sjá Frankenstein og einhverja þvílíka leikkonu. En þau vildu ekki hjálpa mér með spurningarnar.
Ég vona að þetta í byrjun draums verði að veruleika, að ég fái að hitta þessa einlægu manneskju, þó bara til að tala við hana.

Í dag fer ég ekki á leikæfingu fyr en um 17.00 leitið, og verð alveg örugglega fram yfir kvöldmat. Ástæðan á bakvið þennan tíma er sú að það voru nú ekki allir edrú, flestir að drekka, nema við Grunnskólastelpurnar auðvitað.

Og eins og ég segi, enga feimni!

Eigið góðan dag,

knús

Er ég að misskilja?

Er ég ekki skemmtilegri en Ómar Ragnarsson? Nei ég held að ykkur finnist það ekki, en manni má láta sig dreyma.

Stífar æfingar voru í dag og partý í kvöld. Ég kom fyrir rúmum klukkutíma heim, og fannst mér bara mjög gaman. Eins og þið vitið hélt ég mig nú bara við gosið, enda engin ástæða til að byrja að drekka þegar maður getur bara hlegið að öðrum ..

Mér er farið að vera nokk sama um vinsældarlistann, þar sem ég lækka bara núna. Þá má hann fara út í veður og vind.

En eitt verð ég að deila með ykkur. Ég hélt á fundinum þegar við komum öll saman fyrsta kvöldið í Leikfélagi Hornafjarðar, að ég myndi aldrei tala við neinn þarna. Þessi hugsun mín hefur ekki eyðilagt neitt. Fullt af flottu fólki, og skemmtilegu í þokkabót. Flest öll nokk eldri en ég, samt þónokkrir undir tvítugs aldri. Ég bjóst ekki við því að það yrði nokkurntíma talað eitthvað við mig að viti, en í kvöld tók ég eftir því að þessi hópur liggur við smellpassar saman. Fullt af skrítnu fólki saman komið er frekar fyndin stemning!

Þarna voru komnir flestir krakkar, ásamt leikstjóranum Jóni Inga og konu hans Laufeyju Brá. Laufey kom í gær, og það sem hún hefur hjálpað okkur með bara í dag er aðdáunarvert. Ákveðin kona, alls ekki feimin og það er þvílíkur kraftur í henni. Mér tókst að fræða hana um mín framtíðarplön meirað segja ......

Síðan hef ég kynnst einni manneskju sem ég hef nú vel þekkt síðan ég man eftir mér, hún heitir Sólveig. Frekar fyndin stelpa, og orðin rauðhærð! , Hún er 17 ára að verða 18, ef ég veit rétt. Hún er nú frekar klikkuð líka, en það er nú bara fyndið!


Ég er að setja inn mynd af mér frá því í kvöld. Nú er það ekki náttúrulegt andlit !

Knúsur

P.s. Þið ættingjarnir sem kíkið hingað inn, verið ófeimin við að láta vita af ykkur, heilir 12 og ég veit bara hver 1 er, systir mín. Þið sem eruð ókunn, látið líka vita, mér finnst bara gaman að vita hverjir hafa áhuga á að lesa mig ..

Heppilegt!

Ég datt niður nokkur sæti aftur á Vinsældarlista moggabloggsins, en það er hrein tilviljun hver er á eftir mér. Hvorki meira né minna en bæjarstjóri Hornafjarðar hann Hjalti! Frekar fyndið að þetta lendir svona, en enn fyndnara að ég sé fyrir ofan hann....
Tiltektin gekk vel í dag og æfingin mjög vel. Fólk allt að koma sér í rétta gírinn, æfing á morgun og partí annað kvöld. Ég hef ákveðið að mæta allra til mikillar gleðis. Gullmola leikhópsins á ég, gat verið! Það var a.m.k. sagt við mig af sjálfum Frank Furter. Svona hljómaði sá gullmoli;

,, Mig langar að verða leikkona, fer samt fyrst í Kvikmyndaskólann, svo langar mig að verða forseti eftir það!"


Þetta fannst þeim sem þarna inni sátu mjög fyndið, svo tala ég víst hrikalega mikið, og eintómt bull og skrítinleiki kemur upp úr mér. Reyndar misheyri ég oft það sem fólk heyri og lenti í því um daginn að heyra t.d. Mér er sama, það átti víst að vera einhver matsölustaður, en svo var það víst eitthvað á útlensku sem ég heyrði víst ekki alveg nógu vel!..

Loksins hef ég fengið minn sykur, nammið mitt fyrir laugardaginn, Toblerone stykku, reyndar fæ ég eflaust meira á morgun, en þá kaupir mamma það. Ég má ekki skammta í pokann eða vera nálægt !

Ætla að kíkja á sjónvarpið og njóta tobleronesins!

Misskilin...

Oft þegar ég hef verið að setja fram mína skoðun á málum, þá er litið á það allt öðrum augum en ég meina sjálf. Ég vil helst að öll leiðindi séu tekin úr umferð, og þess vegna kem ég mína ræðu að allir eigi rétt. Þá er svo oft misskilið að það sé á einhvern einn aðila.
Ég hef vel tekið eftir því hvað ég er misskilin manneskja, þar sem ég vil öllum vel, sama hvað það segir um mig og mína. Þar sem maður á alltaf að vita, að fólk sem kemur ekki nálægt lífi manns, skiptir mann engu máli, og heldur ekki skoðanir þess á mér.
Þó ég hafi oft fengið það hrós að ég sé greindari miðað við aldur ( sem er bæði rangt og rétt ), þá er ekki þar með sagt að það sé skilið mig á réttan máta. Oft hef ég líka fengið þvílík svör til baka, þegar ég reyni að vera góð við allt og alla. Ég vildi bara fá að segja þetta, þar sem að fólk verður að fatta, að ef það skilur ekki það sem ég er að segja einmitt, að biðja um nánari útskýringu á málinu, þá fær það hana.
Þið heyrið frá mér í kvöld, ég fer að taka til á eftir í leikhúsinu, kem heim um 7 leitið og fer aftur 9 á æfingu.

Knús

P.s. Ég hef færst upp um nær 40 sæti á vinsældarlistanum, er komin upp í 296 sæti

Fræg, frægarari, frægust!

Ekki segja svo Sædís, að ég geri aldrei neitt fyrir þig, hérna erum við þrjú systkinin, Sædís Ösp að verða tvítug, ég og Axel Þór að verða  25 ára ( þá meina ég í ár). Og Rauðkollan að verða 15, svo allir hafi það á hreinu!
En núna er ég tveimur bloggvinum ríkari en í gær, mikið er maður heppin! Kannski það takist bara á endanum markmiðið mitt, maður veit þó aldrei.
Súpukúrinn gengur ágætlega, reyndar kannski ekki endilega bara súpukúr, en pabbi kom heim með nokkrar núðlusúpur! Einmitt ætla ég að fara að hita mér vatn núna!

Knús
Heyrið í mér seinna í kvöld.

Heppin þið!

Fann gamalt myndagallerý á netinu svo ég vil sýna ykkur fleiri myndir;



Þetta er ég á leiðinni til Öræfa í 5. bekk, eina myndin sem tekin var af mér á mína vél. Óskar vildi endilega taka mynd af mér líka, og svona hef ég breyst síðan! Þennan svip fá margir að sjá!


Yrsa Líf, ég og Lejla í 7. bekk! Tekin fyrir jól, fékk að taka myndavélina með vegna þess að við vorum að gera fullt fyrir jólaskemmtun


Þórdís frænka, ég, Sædís systir, Rúnar Júl ( frændi) og Inga Rún frænka að syngja ,, er ég kem heim úr Búðardal " í 80 ára afmælinu hans afa Einars árið 2006. Bara æðisleg upplifun, fórum heim til hans og æfðum okkur og alles!!


Ég oooog Yrsa Líf í 7. bekk! Á leiðinni að hitta Ingó Idol, 15. apríl, og Bjarney var þarna líka með okkur


Enn og aftur í 7. bekk, þarna eftir Idol, vá hvað ég man eftir þessu. Ég fór með Rakel og Salóme vinkonum mínum, og hittum Nönu, mitt Idol, og alles! Þarna erum við Nana saman á mynd, Nana myndaðist frekar mikið betur en ég, þarna var ég á "ekkibrosameðtönnunum" skeiðinu!


Já, ég hef breyst síðan þarna, ég lofa ykkur því, þarna er ég enn í 7. bekk. Björk Guðna, þú mannst kannski eftir þessu, í Öræfaferðinni - Þá einmitt lærði ég það að maður á ekki, þegar maður labbar á fjalli, að vera með hendurnar fullar, ef maður skildi detta. Það kenndi Björk ( kennarinn minn í 7. bekk) mér, þar sem ég hafði í annarri hendinni myndavélina og hinni geislaspilarann. Tók upp á því að troða geislaspilaranum í vasann minn eins og þið sjáið. Gott ráð! Munið þetta!

ÞÓRDÍS ÉG VARÐ AÐ LÁTA ÞESSA!

Ég, Heiða Idol og Þórdís! Á Borgarfirði á KB bankamóti 2005? að ég held. Greinilegt að við vinkonurnar höfum aðeins breyst í útlitinu, ekki að innan samt!

Jæja, þá er ég farin að sofa, ég hlýt að geta sofið vært fram til morguns, nú ef að Þórdís verði ekki komin frá Danmörku í nótt til að lemja mig!!!!

Knús

Markmið mitt hér á moggablogginu!

Áðan kíkti ég á Vinsældarlistann, og þar er ég númer 335. Markmið mitt á moggablogginu er að komast innan við töluna 50. Ég er ekki búin að ákveða fyrir hvaða dag eða svoleiðis, þessvegna á næsta ári.
Ég ætla að reyna að komast í efstu 50 án þess að endilega að vera að blogga um fréttir, ég ætla að reyna að vera nógu skemmtileg, í dag eru hátt í 70 búinr að koma inn á síðuna mína, 1/4 lét vita af sér
Svo hafa flottar bloggvinkonur bæst í hópinn, bara gaman að hafa nóg af bloggum til að lesa !

Ég er farin að græja mig fyrir háttinn, og ef ég fæ svefngalsa, deili ég honum með ykkur eins og í nótt!!

Knús

Súpukúr NEI TAKK!

Mamma ætlar að vera voða ströng núna, allir hérna heima mega ekki láta eitt óhollt ofan í sig á næstunni. Ótrúlegt hvað hún er meiriháttar góð mamma mín.
Skólinn byrjaði í dag, og ef þið lituð á klukkuna þegar ég bloggaði í gærkvöldi ( mæli ekki með því samt ), þá fattið þið að ég mætti með ljótuna í skólan, mamma sagði að ég væri ekki sæt í dag , hún er svo góð hún yndislega mamma mín. Ég fór í handmennt í morgun, leðurgerð. Ég með mína fullkomnunaráráttu í morgunsárinu, og ljótan meðfylgjandi því, blandaðist ekki vel saman. Held meirað segja að flestir hefðu annað hvort getað hlegið að mér eða verið hrædd. Hitti svo minn elskulega Rafn eftir langa, langa bið. Ekkert smá gott að sjá hann, enda er mér svo mikils virði.

Rocky Horror verður frumsýnt eftir tvær vikur og einn dag, ekki meira né minna en það. Æfingar verða stífar að ég held næstu tvær vikur, annað hvort gaman eða leiðinlegt. Ég ætla að ákveða að þetta verði gaman, því þá mun ég skemmta mér rosalega vel.

Ég bið að heilsa ykkur, heyrið kannski í mér í kvöld!

KNÚS

Barn sem var ljótara en grameðla!

 Myndasyrpa af þessu furðulega fríki!

 Ég get ekki sofnað, er ekki nær því að vera þreytt!

 

 

 

 

Hér má sjá ótrúlega ófrítt barn, ekki ætla ég að nefna það til nafns vegna ljótleika! Grín
Á þessari mynd er ég alveg hrikalega ljót, Jeremías og jólaskórnir hans hvað ég vorkenndi mér þegar ég var svona lítil, ótrúlega ómannleg eitthvað. Jæja, ekki er það úti enn.

Þessi mynd er á jólum eins og kannski sjá má. Ég var líka með æðislega krúttlegan hatt, stóð fyrir framan spegilinn ótrúlega lengi að fylgjast með þessari flottu stelpu og mamma og amma horfðu laumulega á mig og hlógu af því hvað þetta væri jú sniðugt barn, ánægt með sjálft sig!

Ég mun ALDREI fyrirgefa foreldrum mínum þessa klippingu, hræðilega fór hún mér illa. Þarna sjáið þið rauðkolluna ( að hætti Hallgerðar ), skarta þessu fína, fína andliti, og fyrsta tönnin dottin út. Hún var síðan sett undir koddann, en ekki var ég viss um hvað ég hefði fengið mikinn pening fyrir, enda skipti það nú minnsta máli á þessu tímabili í mínu lífi.



Í 6 eða 7. bekk. Ég hafði aldrei átt góða mynd af mér, en þarna var hún síðan upp komin. Eitthvað hef ég nú breyst síðan bæði í útliti, hegðun og daglegu lífi. Þessi var tekin í afmæli hjá Lejlu vinkonu minni. Ótrúlegt hvað maður getur verið sæt..

Þarna sit ég með sætasta strák í heimi, sem ég var svo óendanlega hrifin af einmitt á þessu mómenti. 1. október 2006 er hún tekin að kvöldi til, Lejla og Siggi bösluðust við að taka þessa mynd, og auðvitað varð hann að taka utan um mig sem var bara æðislegt. Og einmitt núna var ég að taka eftir því að ég held í hendina á honum! Ótrúlegt hvað tíminn hefur leitt okkur áfram, það fer að vera 1 og hálft ár núna 6. apríl. Ég skal segja ykkur það, og líka þér Rafn minn, að í dag er ég mikið hrifnari af honum en á þessum tíma, að það gæti hvergi mælt það hversu mikið það er! Ekki er til önnur manneskja sem gæti komið mér í betra skap en hann Rafn minn, fallegasti og skemmtilegasti strákur sem ég hef kynnst. Og ég er svo heppin að hann er ekki bara fallegur að utan, heldur líka að innan, ótrúlega fallegur persónuleiki!

Og auðvitað er síðasta myndin af mér og fallega Rafninum mínum Þið megið lesa textann aftur ef þið viljið fyrir neðan myndina hér að ofan, það er þess virði!

Núna ætla ég að reyna að sofna,

KNÚS

Minni á færsluna fyrir neðan!