Að glósa fyrir stærðfræðipróf!

Ég get sagt ykkur að það getur verið mikil kúnst, fékk skrifuð niður á blað hvaða dæmi ég ætti að fara vel yfir upp úr bókinni, svo ég vona að það verði bara uppúr því og í samræmi við þau.
Í dag lentum við krakkar í 9. bekk í því að fá á prófi spurningar sem voru upp úr kafla sem var ekki gefinn upp á gátlistanum að ætti að fara yfir, alveg nóg að fara yfir kafla 5 - 7, en það hefði verið ágætt að fá það með. Því að eins og ég skildi ekkert í þessu, og mundi ekki eftir því að hafa farið yfir það í gær.
Það reyndist alltsaman rétt þegar strákar úr hinum bekknum spurðu kennarann að því hvort þetta væri ekki upp úr 4. kafla, hún sagði að við ættum að muna eftir þessu.

Mér finnst þetta ekki sanngjarnt gagnvart nemendum sem læra kannski fullt undir próf, af GÁTLISTANUM sem á að standa nokkurnveginn hvað verði lagt fyrir okkur, í annarri mynd þó.
Ég lærði ágætlega fyrir náttúrufræðiprófið, en gekk tregagang yfir stjörnufræðina, þar sem við höfum a.m.l. farið í 5 tíma í stjörnufræðitímunum þar sem kennarinn hefur verið. Og ég er alls ekki sátt!

Ég er ekki að gera lítið úr kennaranum, en mér finnst bara leiðinlegt þegar svona á sér stað.

Aftur á móti gekk mér hörmulega illa í náttúrufræði-kynfræði-stjörnufræðiprófinu og náði að sitja þar inni í einhvern hálftíma bara yfir því að lesa yfir alla svarmöguleikana og velja það sem mér fannst hljóma réttast.
Ég náði að rífa mig upp í dönskuprófinu eftir langa bið, þar sem ég má helst ekki fara út úr húsi, við mamma viljum halda mér inni svo ég losni við þennan vonda hósta sem hrjáir mig núna, svo hann verði ekki mikið lengur.

En ég stóð mig ótrúlega vel í dönskuprófinu miðað við aðstæður, þar sem ég átti algjörlega eftir að fara yfir allt nema textana. Reyndar var ég búin að læra þetta alltsaman fyrir fyrra prófð, þar sem ég fékk 8.5 fyrir. En mér fannst dönskuprófið mjög vel sett upp, því að ég skildi allt sem var beðið um!

Átti bara í eriðleikum með að svara því hvað Om tid...... man ekki orðið, og að svara í einni spurningunni. Áttum að skrifa um sjálfa okkur í ritun og eins og fólk fer að vera kunnugt um á ég ekki erfitt með það, enda þykir mér með eindæmum endalaust gaman af því að svara spurningum og segja fólki eitthvað um mig, því ef ég veit mikið um eitthvað og einhvern er það ég!

Ég fer í ensku og stærðfræði á morgun, á fjögur próf eftir með þeim, en ég ætla að massa þau og byrja að læra snemma fyrir samfélagsfræðina og íslenskuna, þar þarf að taka til í því pokahorninu, obbossí, þið heyrið rétt, Róslín skilur ekkert í íslensku! Enda bara flókið og ótrúlega heimskulegt að læra hvað sé viðskeyti og svona...!

En er að reyna að glósa upp úr kaflanum sem ég var fyrst í bekknum með!

Knúskveðjur

Þekkið þið einhvern blaðamann...

.. sem gæti haft áhuga á því að skrifa um eiginlegafyrirmyndaunglinginn mig?

Eiginlega stendur fyrir því hvað ég er óklár í sumum fögum í skóla, og stundum óttalega fyndin. Ég er núna búin að vera að læra og gera eitthvað þess á milli, þar á meðal að nenna að fara fram og fá mér að borða, kíkja af og til á póstinn minn og tala við Rafninn minn.

En í framhaldi af því sem ég segi hér að ofan, þá tek ég undir að þetta er sagt í aðeins meiri alvöru en gríni, ef þið vitið um einhvern blaðamann/blaðakonu sem er að leita eftir JÁKVÆÐRI frétt, þá endilega vísið þið þeim á mig. Og vonandi kemur út úr því hið fínasta viðtal.

Þið vitið mörg að um daginn, sem er fyrir svolitlu, skrifaði ég hér færslu um það hvað mig langaði mikið í þáttinn til Evu Maríu, sem ég veit ekki hvort stendur enn til boða. Ég hef reynt að hafa samband en ekkert svar berst frá henni, svo ég nenni ekki að standa í hárinu á  henni. Þó svo ég viti að hún væri örugglega, líkt og alþjóð ( mínus einhverjir sem ekki líka við mig ), væru vel til í að sjá inn í heim svona stúlku.

Þegar ég var í lokapartýi með leikhópnum, þá sagði Júlli ( sá sem ljósamaðurinn hélt að væri bróðir minn því ég var að segja honum að koma ekki nálægt mér... ) við mig ,, Ég væri til í að vera þú í einn dag, sitja bara og hlusta á allar hugsanirnar...". Ég tel það vera hrós, enda tek ég til hinna ýmsu ráða af og til, sem kemur fólki ýmist til að hlæja, brosa, eða mygla út frá því hvað það líkar ekki við mig og mína vitleysu.

En ég spyr ykkur, ef þið getið vísað blaðamanni/blaðakonu á mig, þá endilega bara!
E-mailin mín eru hér í höfundarboxinu efst til vinstri!

Knús á ykkur, nú held ég áfram í uppreisninni á móti lærdómnum, synda á móti straumnum!

Hvers vegna?

Mig langar mjög mikið að fá að vita, hvers vegna er alltaf sett einhverjar leiðinlegar og niðurrífandi fréttir um unglinga í dag?
Hversvegna leita ekki fréttamenn að einhverju jákvæðu og hvetjandi fréttaefni um unglinga?
Mér finnst ótrúlegt hvað það þarf alltaf finna það versta við allt, það eru til svo ótrúlega margt flott ungt fólk, sem veit vel hvað það stefnir að, og er lífsglatt og hugmyndaríkt.

Ég vil benda ykkur á það sem ég tala um;

http://www.visir.is/article/20080527/FRETTIR01/414479351
http://www.visir.is/article/20080527/FRETTIR01/682761762


Ég bíð bara eftir því að það komi jákvæðisfrétt t.d. um mig! Ég er nú ein af því unga fólki sem ber undir því heiti að vera UNGLINGUR, sem ráðstafar alltaf af einhverju svo leiðinlegu og hrokafullu.
Orðið unglingur er farið að nota til allskonar orða og hefur í mörg ár gert t.d. vandræðaunglingur, þar vær samsetningin ekki góð meðmæli.
Það eru þó til jákvæð orð, sem mér finnst samt ekkert svo jákvæð, því það er alltaf notað tenginguna við ungling, einhver sem veit ekkert og er bara að þroskast.

Ég leitaði af þessu fréttaefni hér á Mbl.is en fann það sem betur fer ekki, enda væri nú hreint ágætt ef þau taka upp fyrir fréttafólki hanskann og geri eitthvað í þessu.

Svo að lokum hvet ég ykkur að skokka út í búð, sem ekki eruð áskrifendur af Morgunblaðinu og versla eitt slíkt og kíkja á það. Þar sjáið þið flottustustustu konurnar !

Knús úr annríkisstefnu Róslínar Ölmu!

Svo hvet ég þau sem eru kennarar að gefa frá ykkur gátlistann A.M.K. tveim dögum fyrir próf, ég mun sitja með sveitta lófana til tólf að læra ef ég ætla að fá yfir 6 held ég í náttúrufræði!!!!

P.s. það kemur rautt strik undir þegar ég skrifa Róslínar, en ekki Róslín, er það þá rétt hjá ömmu að það er beygt;

Hér er Róslín
Um Róslín
Frá Róslín
Til Róslín

Þó það standi inná Wikipedia þá er ég ekki viss um að það hafi rétt fyrir sér að það sé til Róslínar!

Í tilefni af því að hægri akstur er 40 ára í dag..

.. þá ætla ég að tilkynna ykkur það, mjög gaumgæfulega, að á morgun, þriðjudaginn 27. maí birtist mynd af engri annarri en mér og konunum sem voru í ljósmyndahittingnum í mogganum.
Ég held ef ég fer með rétt mál að fréttamaður hafi tekið viðtal við Gúnnu, stofnanda grúbbunnar.

Aftur á móti fór ég yfir einhverjar gamlar myndir og fékk nokkrar útkomur á því;

Við nokkrir vinirnir, frá vinstri, Yrsa Líf, Kristjana Hafdal, Árdís Drífa, ég, Eva Kristín og Óskar Þór.
Þess má geta að Ragga tók þessa mynd á leik 4. flokks í fyrra sumar.

Sæt kusa, uppáhalds dýrið mitt!

Ekki besta myndin en mér finnst hún svo skemmtileg, strákurinn örugglega að hugsa ,, .... he stinks!!!"

Ég að mála herbergið mitt 2007, fyrir ferminguna mína....

Svo vil ég vera rosalega skemmtileg, því í framhaldi af blogginu The Nanas.
Þá gerði ég myndband af ferli hennar Nönu í Idolinu, og sendi henni það á dvd disk ásamt handskrifuðu bréfi, mér finnst allt svoleiðis svo gaman!!

Sendi ykkur knús inn í kvöldið, nú ætla ég að læra

Smá mont í gangi..

Bara af því að ég sit veik heima, og eins og ég er búin að fræða ykkur um, þá kann ég það ekki.
Ég sit yfir tölvunni að skoða eldri myndir og datt inn á þessa;

Hver var nú að segja að ég væri ekki fræg?
Nei, einmitt það var víst enginn...

Þarna erum við Þórdís Imsland og ég í heimsókn á Egilsstöðum hjá okkar ástkæru Idol drottningu Margréti Láru!

Svo er hérna önnur mynd sem ég kann ekki við að birta heldur birti slóðina frekar svo þið getið séð hana.

http://www.flickr.com/photos/hagmynd/2523441711/

Fríði hópur ljósmyndakvenna, ótrúlega flottar er það ekki??

Jæja, ég ætla að halda áfram að snýta mér í viskastykkið og fara yfir myndirnar....
Getið séð framlöginu hér ; www.flickr.com/roslinv

knús

Reykjavíkurferðin!

Á fimmtudaginn lagði ég af stað í langa ferð til borg óttans. Við komum seint, því við lögðum af stað um 5 leitið.

Á föstudeginum var skundað í búðir, við mamma gengum berseksgangi yfir allar búðir, en ekki fólk þó. Ég fékk gallabuxur, kjól, boli og glingur, annað kom ekki út úr þeirri ferðinni.
Um kvöldið var svo farið í stúdentsveislu til Þórdísar Ingu, systurdóttir pabba. Hún var að útskrifast úr Kvennó, og einkunnirnar sem hún fékk, vá!!! Meðaleinkunin yfir 8.5 að mig minnir, ótrúlega flott!
Ég hitti allflesta ættingja mína, úr föðurætt, ótrúlega skemmtilegt fólk þar á ferð, hitti líka frænku mína sem ég hef ekki hitt í 2 ár, hún gekk framhjá mér án þess að fatta að þetta væri ég !
En mér fannst æðislega gaman að hitta fólkið mitt, því þetta er nú svo skemmtileg ætt!!!

Í gær, laugardag tók ég mig til og lagði síðan af stað í Grasagarðinn í Laugardalnum. Ég gekk að Café Flóru með foreldrum mínum og þar biðum við eftir að einhverjar dömur skildu láta sjá sig. Mig minnir að fyrstar á eftir mér hefðu komið Jóhanna H og Ástríður. Svo fóru konurnar að tínast til okkar og náðum við alveg upp í 15 manns ef mig minnir rétt. Við fórum að mynda til kl. 12.30 og fengum "frítíma" til þess til kl. 14.00. Ég elti hana Fríðu ( Sylvíu ), og tók nokkrar ágætis myndir.
Enduðum eiginlega við tjörnina sem endurnar og fleiri fuglar eru, þar hittum við síðan Hag, ljósmyndara og fréttamann hjá Morgunblaðinu og við gengum mörg að Café Flóru aftur.
Þar var pantaður matur, og ég fékk mér kjúklingasamloku, mjög fínt veitingahús. Ég fékk kjúklingasamlokuna mína, og frýrnar fengu sína rétti, Hag tók nokkrar myndir af fríða hópnum sem þarna var samansestur.
Það var myndað okkur dömurnar og allar fengum við okkur að borða og spjölluðum.
Rétt áður en flestar fóru að tínast heim til sín eða hvert sem þær ætluðu nú, kallaði Gúnna ( Guðmunda ) í mig og bauð mér að koma til sín upp í stúdíó hjá Rúv og skoða þetta alltsaman. Ég fékk ekki leyfi til að fara, því við vorum á leið til ömmu og afa upp í Grímsnes. En þarna missti ég af gullnu tækifæri að sjá hvernig sjónvarpsefni er unnið.
Úr Grasagarðinum ók ég af stað með Jóhönnu H og Ástríði upp í Holtagarða, og Sigrún Bein og Ingibjörg í öðrum bíl. Þar hittum við Ingu D. Sig. í Eymundsson og skoðuðum nokkrar ljósmyndabækur. Þaðan fórum við svo fimm frá Ingu og upp í Ráðhússýninguna, æðislega flottar myndir þar, meirað segja eftir nokkrar í grúbbunni, svo ég mæli eindregið með því að þið kíkið og skoðið þessar frábæru myndir!
Þessar konur sem ég hitti þarna, ég þori ekki að telja þær upp, hrædd um að gleyma einhverri. En þær sem ég hitti fannst mér rosalega góðar konur og ótrúlegar ljósmyndirnar þeirra!!
Pabbi sótti mig út í Ráðhús og þaðan sóttum við mömmu og upp í Grímsnes í grill og Eurovision til ömmu og afa. Við fyldumst með Eurovisioninu og prívat og persónulega fannst mér okkar lag best, enda hin löndin bara með klíkuskap!!

Eftir eurovision úrslitin gengum við mamma og amma aðeins og ég festist í símanum, á netinu!!!
Þegar inn í bústað var komið var lottóið að byrja, og ég reyndi að ná athygli mömmu, ömmu og pabba en það gekk ekki, svo við afi horfðum á Gúnnu í lottóinu! Og viti menn, ég gat ekki annað en brosað við að horfa á hana Gúnnu, enda frekar fyndið að hafa hitt hana í dag. Flott kona þar á ferð!

Í dag var lagt af stað heim og fór ég strax á leikmannakynningu meistaraflokkanna og lékum svo við krakkana þar á eftir.

Núna sit ég rosalega kvefuð, að ég er með hausverk og stíflu örugglega í kinnholunum og ennisholunum.

Ég sendi ykkur knús!

Stúlkunum til mikillar fyrirmyndar...

... þá skelli ég inn smá auglýsingu frá meistaraflokki kvenna Sindra Hornafirði;

 
Þar hafiði það!

Knús

E.s. kom úr stúdentsveislu fyrir stuttu og á morgun liggur leið mín í ljósmyndakonu hitting!!

Metingurinn heldur áfram!

Í dag var ég hrikalega heppin. Ég kláraði leðurverkefnið mitt, sem ég barði í BERMUDA eins og sönn kvennsa. Nei ég segi svona, en mér tókst að klára það verkefnið, en ekki nógu sátt með það.
Prófið gekk upp og ofan, frekar ósátt, og ég tek dönskuprófið á morgun, þó betur lærð undir það.

Eftir að ég byrjaði á þessum skemmtilega "lyfjakúri" sem læknirinn rálagði mér gegn beinhimnabólgunni hef ég verið frekar þreytt, þó ég viti ekki hvort það sé lyfjanna vegna eður eigi. Allavega er það mikið magn sem ég tek á dag, miðað við hvað ég hef tekið voða lítið af verkjatöflum og öðruskonar jukki. Ég held að fyrsta taflan sem ég tók hafi ég tekið 12 ára, reyndi oft að plata sjálfa mig að smygla sjóveikistöflum í eitthvað af góða matnum sem til var. En ég lét ekki plata mig svo auðveldlega!
Reyndar hef ég eins og margir aðrir fengið svokallaðan stíl í rassinn, þegar ég var lítil réttara sagt, en ég á eftir að komast að því hversvegna, ég man samt vel eftir þeim skiptum...

Aftur á móti í stærðfræðitíma í dag gekk mér nokkuð vel bara get ég sagt, rétti af og til upp höndina í leit að hjálp. Drengurinn svonefndi var eitthvað móðursjúkur og leit af og til á mig með þessi spurnar augu ,, Á HVAÐA DÆMI ERT ÞÚ ?", ég held ég hafi litið eins og þessi á hann til baka, því hann sneri sér svo fljótt við þegar ég leit upp.
Ég spurði hann í gamni eftir tímann á hvaða dæmi hann væri, ég fékk það staðfest að hann hafi verið kominn á 35 eða svo, og ég rétt á 30 svo ég muni. En auðvitað hélt ég því fram að hann væri sko barasta að svindla, þá gekk hann í burtu skömmustulegur, svo mín var örugglega að segja sannleikann!

En annað mjög skemmtilegt atvik örugglega eitthvað tengt þessari þreytu.
Ég bað um að fá að fara á klósettið í seinasta tímanum, réttara sagt var ég að fara að snýta mér ( já ég er mannleg eins og við öll..) vegna kvefs og svona, rétt kom við nefið á mér að innan og þá fór að blæða. Svo þegar ég sá mér fært að fara að sækja pappír, beygði ég mig eins og maður á að gera, svo að blóðið myndi ekki leka á gólfið.
Þegar á því stóð var lófinn á mér mjög blóðugur og nefið á mér lak ótrúlega óhugnarlega mikið. Ég reddaði mér og fór síðan aftur inn í tíma, það vildi ekki stoppa svo ég fór tvívegis fram aftur til að redda þessu einhvern veginn. Að lokum stoppaði þessi vitleysa og bragðlaukarnir gerðu vart við sig..... ojbarasta!

Nú verð ég að læra undir dönsku prófið!

Knús

Metnaður eða metingur á hæsta stigi?

Undanfarnar vikur hef ég verið ómótstæðilega dugleg að læra í stærðfræðitímum, einfaldlega vegna þess að ég hef ekkert betra að gera en að sitja og læra, hlustandi á iPodinn minn ( já það má ef maður er að læra í alvöru..).
Eins og er, þá er ég komin einnar lengst í bekknum, byrjuð á nýjum kafla á meðan hinir eru að klára þann fyrri. Enda sit ég ein, og enginn hefur velt því fyrir sér í huganum að gerast svo mikil hetja og setjast hjá mér. Reyndar held ég að það sé lítill félagsskapur í því, enda held ég áfram að læra og verð bara pirruð í miðjum reikningi þegar einhver reynir að tala við mig ( á það til að slá frá mér þegar ég er á hæsta pirringsstiginu).

Endrum og eins hef ég verið að fá hrikalegar einkunnir í stærðfræði, eða á móts við það hvað ég tel mig duglega að læra. Þetta dregst allt út fyrir próf, og ég veit ekki neitt, kannski því að ég gleymdi að fara yfir þetta dæmi eða fann það ekki á blaðsíðunni, þá lækka ég strax um einhver stig því það verður einfaldlega pottþétt á prófinu.
Síðustu tvö próf sem ÁTTU að vera, lærði ég eins og tryllt manneskja, glósaði niður ALLT sem ég skildi ekki og las vel yfir, og takið eftir, fyrir kaflapróf!
En það var ekki það sem ég ætlaði að tala um.

Í stærðfræðinni var ég ein af tveimur ( þar með talin ég ) sem var langt á undan flestum í bekknum í bókinni. Þessi strákur er einn af tveimur sem leggur allan metnað í það að ég held að vera á undan öðrum og eru það oftast hann og nörd ( sem mér finnst mjög jákvætt orð, ekki niðurlægjandi sagt allavega í þessu tilfelli!) bekkjarins sem keppast um.
En síðustu vikur hefur það gengið á milli mín og fyrri nefndan dreng, enda var nördið í samræmduprófum og komst því ekki í alla tímana. Ég vil taka það skírt fram að nördið á það vel skilið að vera kallaður nörd, enda ef hann veit ekki hluti, fer svo yfir það einu sinni sem hann vissi ekki er það komið inn í höfuðið á honum, ótrúlega heppinn að geta það, enda væri ég ekki óviss um það að hann myndi fá 10 á einhverju samræmduprófinu sem hann tók.

En aftur á móti í dag í skólanum, í þessum svokallaða stærðfræðitíma, sat ég þarna eins aumingjaleg og ég virðist af og til vera, með iPodinn í eyrunum að rembast við að læra eitthvað sem ég get varla neitt í. Sá af og til svonefndan dreng sem situr svo heppilega til vinstri og einu borði fram fyrir mig, líta á mig með spurnaraugunum og þegar ég druslaðist til að taka annað heyrnartólið úr eyranu á mér heyrði ég spurninguna ,, Á hvaða dæmi ert þú núna??". Hann fékk spurningu sinni svarað í þrjú skipti, en þegar hann spurði í fjórða skipti, þá fékk ég upp í kok og reyndi eins kurteislega og ég gat í þessu pirringsskapi mínu að segja ,, Æji ******(nafnið hans sko), þetta skiptir eeeeengu máli!!!".

Það sem eftir var af tímanum yrti hann ekki á mig, né gnísti augunum að mér, en þar sem ég skildi ekkert í þessum blessaða reikningi, sat ég og starði út í loftið, eða á auða borðið við hliðina á mér til skiptis, föst á dæmi 13 að mig minnir. Þar sem ég var búin að vera föst þar í einhvern tíma og var búin að gefast upp á því að þreyta kennarann við að koma, aftur og aftur, þegar ég var búin að berjast að næsta dæmi, vildi ég ekki gera henni meira en það sem komið var...

..  Þó svo sem að kennarar séu nú til þess...


Annars veit ég að einhverjir sem lesa bloggið mitt, ef til vill kennarar ( veraldarvefurinn, þið vitið), fráviknir kennarar ( Þar með talin Ragga Rafnsmamma), foreldrar samnemenda minna ( þarf ekki nánari útskíringu, kannski er ég bara svona skemmtileg..), vinir mínir eða aðrir í skólanum, séu engir að nefna nein nöfn, við vitum ef til vill öll hverjir hvor eru, en þetta eru fínustu strákar, ég er ekki að gefa neitt annað í skyn. Bara gaman að segja frá svona atvikum..

Nú held ég áfram að læra undir ensku próf, kannski þriðja prófið sem ég læri vel undir án þess þó að taka það svo daginn eftir.....?

knús

Bið!

Ég er að græja mig fyrir æfingu svo það koma skrif frá mér eftir mat, ég vil ekki vera búin með kvótann fyrir daginn.

Knús á ykkur á meðan