Uppáhalds lagið mitt þessa dagana...

Ég vil byrja þessa færslu á því að ég hitti einn Edduverðlaunahafa á mánudaginn var, hana Lollu. Hún var að syngja fyrir okkur krakkana ásamt hljómsveit og eftir mjög skemmtilegt sjóv beið ég og talaði við hana, annars hefði ég fengið samviskubit yfir því ef ég hefði ekki farið, þó ég væri bláókunn fyrir henni. Ótrúlega flottur karakter sem hún er hún Ólafía Hrönn Hornfirðingur...

Annars ætlaði ég að deila með ykkur uppáhalds laginu mínu um þessar mundir, það er ekki inn á youtube svo ég gaf mér það bessaleyfi að setja það í spilarann hjá mér þar sem að þið verðið að heyra það!

Freedome

She moved away to another world
She could just fly away
Sometimes i see her by my window
She has found another life

So why can’t we all fly away
So why can’t we all fly away

Freedom she say’s that’s worth livin for
And no one can take that away
She’s not comin back, like she did before
She has found another life     
   

So why can’t we all fly away
So why can’t we all fly away

She has the guts that no one had before,
now she can fly
She’s shown the world that the way it
should be done Why don’t you try   

  

So why can’t we all fly away
So why can’t we all fly away

Þrír rauðhausar!

Eins og Sólveig Arnarsdóttir sagði, sem hlaut Edduna fyrir aðalhlutverk leikkvenna í kvöld, þá stóðu þrjár rauðhærðar dömur og biðu eftir að vita hver þeirra hlyti titilinn í ár.
Ég var náttúrulega yfir mig ánægð að sjá hárlitssystur mínar fylla í öll sæti tilnefninga enda ekki á hverjum degi í íslenskri leiklistarsögu sem þrjár rauðhærðar konur geta hlotið svona verðlaun!

En annars er ég ótrúlega ánægð með frammistöðu minna uppáhalda, Lolla og Ilmur í baráttu um aukahlutverk og Lolla vann þá lotuna, við eigum svo sannarlega landslið leikara, það fer ekki á milli mála.
Sólveig Arnarsdóttir hlaut eins og ég er búin að segja Edduna fyrir leik sinn í aðalhlutverki í Svörtum Englum, enda stóð hún sig með prýði í þeim þætti, missti ekki af einum einasta!

Ég ætla núna í háttinn enda langur dagur á morgun, hlakka allra mest til þess þegar við förum krakkarnir í skólanum að horfa á Ólafíu Hrönn syngja, búin að hlakka til frá því ég heyrði af þessu...

Verð síðan á leikæfingu að æfa leikritið Blekkingin frá kl. 18 til líklegast kl. 22.00, og þannig verður öll næsta vika hjá mér, þar sem við frumsýnum á sunnudaginn!

Knús á ykkur inn í vikuna frá fröken ánægðu!

Sagan um Ell...

Þá vil ég semja sögu, fletti upp á einhverri bls. í íslensku orðabókinni og ætla að koma með sem flest orð af bls. 604 og 605. Svona getur maður dundað sér með nytsamlega hluti í kreppunni!!

Lúlli og Lúlla voru að lulla rétt áður en þau fóru að lúlla. Lúlla lumaði á lumbrulegum Lundúnum og lumpulegum lundum. Lúlli lumbraði á lundunum og bætti út í þá lummu-sveppum. Lúlli var þó ekki lullari en Lúlla og hafði lumsað handa konu sinni einum lumnum lúrfisk. Lungað í Lúllu var orðið heldur luntalegt og lék á alls luntaraskaps oddi. Lurður lurkur sótti ásamt lúsarlegum lúsum á dóttur þeirra, Lúsíu. Þau steiktu lussalegan lúsífer þar sem þau höfðu lúskrað á honum fyrr í vikunni.
Lúra laut undan luralegri lús og lúnskaðist lúnsk og lúp inn í þeirra herrans borg, Lundúnar.


Gleðilegt laugardagskvöld og til hamingju með að kunna að mótmæla ekki með blöðrum!

41 orð sem byrjar á ell á móti 100 ef ég taldi rétt!

Besta pæling sem ég hef komið með;

Kom með þessa pælingu fyrir tveimur árum á gamla blogginu mínu;

Endar Biblían á amen?


Besta svarið var frá Guðbjörgu Valdísi vinkonu minni; Nei hún endar á THE END!





Þessi færsla er í boði Nýja Landbankans!

Borað í nefið með stæl!

Þegar ég var lítil var ég alltaf með puttana í nefinu á mér og skammaðist mín lítið fyrir það. Ég hef aldrei skilið hvað fólk þarf óspart að skipta sér að því hvort að barn bori í nefið á sér, eða ekki. ,, Ef of mikið er borað í nefið getur puttinn fest," og  ,, ef of mikið er borað í nefið stækkar nefið " hafa ef til vill einhver börn fengið að heyra. Þessar viðvaranir ganga engan veginn upp, og alls ekki ef þær eru settar saman, þar sem nefið stækkar og puttinn festist þar af leiðandi ekki!

Eins og ég segi, þegar ég var lítil slitnaði varla horið á milli fingurs og nefs, en þegar ég var 7-8 ára gömul að mig minnir, kom frænka mín hún Inga Rún í heimsókn með Kamillu litlu frænku mína, sem er 3 árum yngri en ég. Þá var ég búin að finna hrikalega snilld upp (að ég hélt), þar sem ég þurfti bara að bíða eftir því að horið væri komið svo langt niður svo að ég gat bara sogið það með tungunni.
Ég man svo vel hvað Inga Rún sagði við Kamillu; Þetta má ekki! Held að ég hafi eitthvað þrasað við hana um þessa tækni mína, en annars varð ég rosalega móðguð út í frænku mína....

Mér finnst horsögur svo ótrúlega skondnar, hér er færsla um bók sem ég las þegar ég var lítil!

Ég fékk út úr Sögu 103, fyrsta lotuprófinu af þremur í dag, ég náði með 7.5 , svo fengum við út úr  Nýlendustefnuritgerðum í dag og ég var hæðst ásamt einum öðrum með 9.5....

Knús á ykkkuuuur