Týpísk bloggfærsla...

Mynduð þið lesa blogg sem væri byggt upp á stikkorðum, og þið þyrftuð að geta í eyðurnar?

Einkunnir

Skóli

Leiklist

Hugsanlega gæti maður fengið milljónir hugsana upp við að lesa þessi orð. Líkt með alþingi og fólkið þar, það talar í stikkorðum. Við eigum að skilja rest.

Annars þá langaði mig til að segja ykkur frá því að ég fékk 7 í öðru lotuprófinu af 3 í Sögu 103, er alls ekki sátt. En þó sátt með að ná yfir falleinkunn. Annars voru allar einkunnir 8 og yfir, ég þoli ekki einkunnir. En mér gekk samt vel þessa önnina og ætla að klára síðustu önnina í grunnskóla með stæl!

Ég þoli ekki skóla, mig langar til að vera hippi...

Við frumsýnum Dúkkulísu og Ísvélina 8. mars kl. 20.00, æfingar ganga vel. Ég er í aðalhlutverki í Dúkkulísu, bara gaman þar!

Nei annars, þetta er leiðinleg færsla, hver nennir að lesa svona, það sem liggur á mínu hjarta er hrikalega púkalegur draumur og þjóðfélagið - fann góða mynd af þjóðfélaginu úr einkasafni, hún kemur seinna við í færslunni!

Mig langar til að bera drauminn undir einhvern sem getur sagt mér eitthvað um þetta. Því síðast þegar mig dreymdi eitthvað sem hræddi mig svo mikið að ég varð agndofa, þá var það þegar ég var lítil og dreymdi sög og ljótann mann og ég var föst við trjádrumb.. þessi var raunverulegri, án ljóta mannsins, hrikalega púkó draumur!

Þjóðfélagið finnst mér alveg vera búið að kúka upp á bak, til hamingju!


Mynd úr einkaeign!

Athugasemdir

[Sædís sys (IP-tala skráð) 21.2.2009 kl. 03:42]

Sæt mynd ..

[Aprílrós, 21.2.2009 kl. 07:48]

Falleg kind ;)

[Ómar Ingi, 21.2.2009 kl. 12:04]

Hippi ertu nú ekki meira svona Trippi Róska mín

[Guðrún Emilía Guðnadóttir, 21.2.2009 kl. 17:56]

heyrðu hippinn minn þú ert bara með flottar einkannir og ekki vera svona kröfuhörð á sjálfan þig, þú munt klára þetta með stæl.
Flott rolla er þetta Tattú á henni
Knús í krús

Milla.

[Benedikta E, 21.2.2009 kl. 22:16]

Sæl Rósalín - Færslan þín er flott - þú skrifar alltaf góðar færslur - það  er svo mikið á milli línanna og bakvið orðin!

En draumurinn ?  Ef þú vilt fá draum - ráðningu þá verðurðu að segja drauminn !ef þú vilt ekki skrifa hann á bloggið - þá geturðu sent mér hann á   [e-mail]

Kær kveðja.

Benedikta E.

[Linda Linnet Hilmarsdóttir, 22.2.2009 kl. 19:39]

Knús knús og ljúfar kveðjur..:=)

[Ragnheiður Rafnsdóttir (IP-tala skráð) 23.2.2009 kl. 08:21]

Þú ert nú bara yndi....Til lukku með frábærar einkunir og með aðalhlutverkið í leikritinu...Vona að ég sjái það en ég verð í R-vík í 4 vikur í mars.

Bestu kveðjur og brjóttu fót og allt það!!!!Ragga Rabbamamma

[Friðdóra Kr. (IP-tala skráð) 23.2.2009 kl. 19:33]

Alltaf gaman að kíkja hér inn ;-) 

Hef að vísu ekki gert það í e-h tíma... alltaf nóg að gera á stóru heimili :o)

Fínar einkunnir í Sögunni... gangi þér vel restina af þessu skólaári og eins með hlutverkið þitt sem aðalsögupersónan... það væri gaman að sjá þig á sviði, aldrei að vita nema að maður nái því.

Knús til þín úr Hjallanum

[Róslín A. Valdemarsdóttir, 23.2.2009 kl. 21:58]

Milla, ef maður leggur sig rosalega mikið fram verður maður að vera kröfuharður og vilja hærri einkunn en skitna 7!
Knús

Takk Benedikta, ég er búin að senda á þig mail!

Takk Ragga mín!!
Annars frumsýnum við 8. mars sem er sunnudaginn kl. 20.00, þetta eru tvö leikrit! ca. 45 og 45 mínútur hvort! Vonandi kemstu að sjá þetta, rosalega flottar sýningar sem við höfum í höndunum

Knús

Já stórt heimili skal það vera Friðdóra! Svo ég skamma þig ekki
En takk fyrir, það væri rosalega gaman að fá þig á sýningu.. hihihi
Knús

[Guðrún Emilía Guðnadóttir, 24.2.2009 kl. 11:04]

Maður getur verið of kröfuharður, ég veit dæmi þess að krakkar hafa lært rosa vel en fengið bara 6 -7
Knús til þín
Milla.