Hugleiðingar Róslínar - dagbókarfærsla..

Sko, ég hugsa ótrúlega oft útí það hvernig það er að vera ég, hvernig ég er, og hvernig ég vil vera. Ég get oft svekkt mig á því hvernig ég er, hvernig ég læt og hvernig ég læt ekki. Ég hef líka oft og margsinnis hugsað út í það, eða reyndar í fyrsta skipti áðan, hvernig ég get verið svona ótrúlega ólík fjölskyldunni minni, en samt svo ótrúlega lík þessu skrítna fólki (er þá að tala um mömmu, pabba, systur, bróður og auðvitað hundinn..). Hinir ættingjarnir eru aðeins skrítnari... flestir.
Ég er skyldust hundinum hvað háraliturinn varðar, pabba mínum hvað augabrúnirnar varðar, og skemmtilega húmorinn okkar. Líkist mömmu, vaxtarlagið hans pabba. Reyndar kemur háraliturinn frá langömmu minni heitinni eins og flestir ættu að vera búnir að ná. Hendurnar eru klárlega frá báðum foreldrunum, en veit ekki hvaðan ég fæ svona grannar hendur, en svo þykka handleggi.. eða hvað sem þetta heitir alltsaman. Hæðin, ef hæð má kalla, er örugglega bara spesjalí meit for mí, þar sem ég er hæsti kvenmaðurinn, ef mamma, Sædís, Linda frænka, amma Rósa og amma Adda eru taldar með. Þarf ekkert að fara vel yfir pabba ætt því þar eru þær bæði hávaxnar og lávaxnar!

Augun koma frá pabba, sko hvað þau eru langt inn, eða því held ég allavega fram. Hvað ég get étið kemur líka frá pabba, en það að ég sé sólgin í súkkulaði kemur frá mömmu..

En það er kannski ekki alveg það sem skiptir máli, það sem aðallega skiptir máli er hvað býr innra með manni, og ég hef nú alltaf trúað á það, þar sem ég er þekkt fyrir að vera löt fyrir að halda upp á útlitið. Líkist oft algjörri druslu, nei ekki slíkri druslu, heldur fatalufsudruslu.
En það sem býr innra með mér er ég sjálf, og reyndar líka hvernig ég er, hvað fötin varðar. Ég fékk fullt af nýjum fötum í jólagjöf svo þetta dugir þangað til ég fer á útsölur í bæinn!
Nei ég verð að halda mér við efnið, afsakið mig, ég er að tala um mig sjálfa, ég er farin að hallast að því, þar sem systkini mín segja það oft, eða kannski ekki oft, en stundum. Hvort ég sé ekki alveg örugglega bara ættleidd... rauðhærð, og vill verða listamaður, í hverju, leiklist helst, en ljósmyndun og málning er skemmtilegt líka. Systir mín að læra félagsfræði og bróðir minn smíðar. Mamma vann í frystihúsi, nú sem skólaliði, pabbi var kokkur á sjó en núna vinnur hann fyrir Íþróttafélagið Sindra. Júbb, ég bara hlýt að vera ættleidd!

Ég ósjálfbjarga manneskjan, virka sjálfbjarga, kem eins og ég er fram við alla, feimin við suma, þoli ekki einhverja, en almennileg við langflesta... stundum örlítið pirruð týpa.

Æji, eftir alltsaman er ég bara dóttir foreldra minna, þessi skrítna, stelpan sem sagðist einu sinni ætla að verða Akureyringur þegar hún yrði stór. Hætti því þegar hún var 12 ára, ætlaði þá að verða leikkona og ætlar sér enn. Sagðist ætla fyrst í framhaldsskóla, svo í Kvikmyndaskóla Íslands, og þar á eftir að verða Forseti Íslands. Hver veit... kannski geri ég ekkert af þessu... en ég vona, að ég verði þessi sem allir munu minnast með virðingu og bros á vör, og að fólk muni líta upp til, en ég ekki niður til. Ég ætla að verða fræg, en samt alltaf koma fram eins og ég er.

Eitt er víst, ég ætla ekki að verða fótboltakona, en held samt alltaf uppá Þóru B. Helgadóttur.

Kannski dey ég á morgun. En ég vil það ekki sko, en kannski, hver veit. Þetta er allt skipulagt og staðfest. Hvernig og hvenær veit ég ekki, en eitt veit ég að ég ætla að ná mínum 118 árum sem ég á inni.  Ég get, ég vil, ég skal, ég get!


Þessi færsla er í boði bankanna, um allt og ekki neitt og óyfirfarin..
Og nei, ég drekk ekki, né neyti vímuefna eða neitt svoleiðis, stundum næ ég bara hámarki ruglunnar!

Athugasemdir

[, 28.12.2008 kl. 11:25]

Það er nauðsynlegt að stunda naflaskoðun á þessum tímapunkti lífsins og fyrir mér virkar þú bara mjög yndislegur unglingur með ákveðnar skoðanir, sterka sjálfsmynd og hjarta úr gulli  Eigðu góðan dag mín kæra

[Sigríður B Svavarsdóttir, 28.12.2008 kl. 11:47]

Gullhjartað mitt á bara rautt en ekki gulllitað hjarta.  Eigðu dagin ljúfan Elskuleg..

[Guðrún Emilía Guðnadóttir, 28.12.2008 kl. 13:00]

Rósin mín, náð hámarki ruglunnar, hvað er það?
Þú ert bara bestust og hefur hugaróra eins og flestir á þínum aldri, það er að segja þeir sem hugsa eitthvað, vona að ég móðgi engan í kringum þig, en það er svo misjafnt hvenær ungt fólk fer að hugsa. Haltu þínu striki ljúfan þú þroskast bara meir og meir við hugaróra þína.

Knús í krús
Milla

[Jóhanna Magnúsar- og Völudóttir , 28.12.2008 kl. 19:07]

Gott að fara í smá naflaskoðun við og við og svo aftur!

Sumir pæla bara aldrei í neinu og þroskast varla mikið við það. Þú ert bara þú, það er bara til eitt eintak af þér, og bara mjög skemmtilegt eintak!

[Róslín A. Valdemarsdóttir, 28.12.2008 kl. 20:31]

Mér verður alltaf illt í maganum ef ég er mikið að skoða naflann á mér, þarf það svosem ekki þar sem ég er aldrei með naflakusk!
jú það er rétt, það er nauðsynlegt að hafa svona smá heimspekilegar hugsanir, ef þær eru heimspekilegar.
En takk fyrir það Dagný!

Takk sömuleiðis Sigga mín

Æji Milla, ég get bullað alveg út í eitt og allt og ekki neitt..
Fólk hugsar bara mismikið, allir hugsa eitthvað, en hvort það sé eitthvað gáfulegt veit ég ekki!
Knús til þín

Einmitt Jóga, og takk fyrir það!

[Sædís sys (IP-tala skráð) 29.12.2008 kl. 02:48]

Róslín ,, ég er að fara í félagsráðgjöf .. þú ert nú algjört ass ..

[Róslín A. Valdemarsdóttir, 29.12.2008 kl. 02:59]

þetta er allt eins félagsfræði, félagsfræðingur og ráðgjöfingur.. hahahaha!

[Róslín A. Valdemarsdóttir, 30.12.2008 kl. 14:40]

Isss... þetta var smá útúrsnúningur, þar sem mörgum finnst ég svakalega skrítin eitthvað.....

[Linda Linnet Hilmarsdóttir, 30.12.2008 kl. 22:16]

Gleðilegt nýtt ár

[Huld S. Ringsted, 30.12.2008 kl. 22:49]

Róslín eyddu út þessari athugasemd frá "Kristinn H Gunnarsson" þetta var eitthvað fífl sem stofnaði blogg í hans nafni og moggamenn lokuðu því.

Annars kom ég hérna inn til að segja Gleðilega Jólarest, Gleðilegt ár og hafðu það gott um áramótin dúllan mín ég hef alltof lítinn tíma fyrir bloggið svo að ég kommenta lítið, lofa að fara að bæta úr því

[Róslín A. Valdemarsdóttir, 30.12.2008 kl. 22:53]

Jább, ég geri það strax eftir þetta komment Huld, ekki spörning!

En takk og sömuleiðis, gleðilegt nýtt ár og jól og allt, til þín og þinna!

Gleðilegt nýtt ár Linda, í annað skipti vegna þess að ég þarf að eyða hinu kommentinu!

[Skattborgari, 31.12.2008 kl. 00:21]

Gleðilegt nýtt ár Róslín og eigðu farsælt komandi ár.

Kveðja Skattborgari.