Annasamasti dagurinn minn lengi brátt á enda!

Ég afrekaði margt í dag!

Skóladagurinn minn virtist meira fyrir hreyfingu en lærdóm - ég er að segja ykkur það!
Þið sem þekkið Hornafjörðin sjáið að þetta verður að fimmtudagsrölti Róslínar. Ég fékk reyndar far hjá mömmu í skólann, gekk þaðan yfir í Hafnarskóla og úr Hafnarskóla aftur í Heppuskóla. Gekk út á Kaffihorn, þaðan út í Nettó, í Nettó í sundlaugina og synti 26 ferðar fram og til baka að mig minnir. Gekk úr sundi í skólann, og úr skólanum í Tónskólann og þaðan út í FAS.

1. Afrek dagsins voru þessvegna mörg, byrjaði í tíma sem heitir Hugmyndasmíði. Þar lærum við að koma með fáránlegustu hugmyndir á blað og ég veit þó ekki hvort þær verði framkvæmdar eður eigi. Þar fékk ég bæði hugmynd að ljósmynd - sem ég teiknaði upp á blað og skírði vel út og stuttmynd sem mig langar rosalega að framkvæma! Reyndar eru þetta tvær rosa góðar hugmyndir, finnst mér allavega. En þarna munum við læra um hugmyndasmíði allavega!
2. Ég borðaði blómkálssúpu og brauð með!
3. Ég fór í sund, eitthvað sem ég hef ekki gert í meira en ár, fór aldrei, ekki EINU sinni í 9. bekk, og þar af leiðandi ekki búin að klára það prófið....
4. Fór í tónskólann, og var ekki að meika það, enda byrjandi!
5. Ég fór í fyrsta tímann minn í framhaldsskóla, grunnteikningu sem við fengum að velja úr. Mikið erfiðara en ég hélt - ég þarf að fara í eitthvað sem við lærðum í 1. bekk. Að herma eftir stöfunum, freeekar erfitt!

Gekk svo heim, klukkan að ganga hálf fimm. Úr einni blokkinni hljómaði mér kunnugt lag ,, Ríðum og ríðum og rekum yfir sandinn, ríðum sem fjandinn. Sláum í gandinn, þett'er stórkostleg reið. Glóð er enn í öskunni oog flatbrauðsneið í töskunni, lögg'er enn í flöskunni, við komum öskufullir heim! " og einhverjar smástelpur syngjandi með. Frekar fyndið!

Þegar heim var komið bauðst mér ekkert annað en að drífa mig á æfingu, og þegar heim var komið var haldið til lærdóms! Grunnteikning, ekki það léttasta í heimi!

Núna ætla ég að græja mig fyrir morgundaginn og fara að sofa einu sinni á Kristilegum tíma!

Athugasemdir

[Róslín A. Valdemarsdóttir, 28.8.2008 kl. 22:05]

Sigga, það eru alveg heilir 4!
Reyndar uppskipt, en það þarf ekki að fylgja. 1-3. bekkur heldur sig útí Nesjahverfi, þar er Nesjaskóli hýstur undir þau. 4-7. bekkur er í Hafnarskóla, sem er bara rétt hjá Heppuskóla, en samt smá spölur. Heppuskóli er hjá íþróttahúsinu og þar eru 8-10. bekkur. Undir einu nafni og nokkrum skólastjórum heitir þetta Grunnskóli Hornafjarðar, með 3 byggingum.
Svo er það framhaldsskólinn, Framhaldsskóli Austur-Skaftafellssýslu - FAS. Svo í sömu byggingu er Háskólasetrið!

[Róslín A. Valdemarsdóttir, 28.8.2008 kl. 22:06]

Ég gleymdi að svara þér alveg, heyrðu við erum um 2000 manns hérna að ég held!

[Ómar Ingi, 28.8.2008 kl. 22:22]

200 mann ekki satt

[Róslín A. Valdemarsdóttir, 28.8.2008 kl. 22:30]

Ég er ekki viss um það Sigga, ég veit bara alls ekki.

Ómar, ég held að einhver þurfi að fara að sofa núna sko...

Allavega er ég farin að sofa! Góða nótt

[Jóhanna Magnúsar- og Völudóttir , 29.8.2008 kl. 20:18]

[Guðrún Emilía Guðnadóttir, 29.8.2008 kl. 20:23]

Æ, Rósin mín illa farið með þig
Knús kveðjur
Milla.

[Eggert Ólafur Sigurðsson (IP-tala skráð) 29.8.2008 kl. 21:51]

Samt ekki mjög annasamur dagur, þú hafðir jú tíma til að blogga ekki satt?

[Róslín A. Valdemarsdóttir, 30.8.2008 kl. 00:03]

Eggert, ég var að blogga bara rétt áður en ég fór að sofa!....

[Eggert Ólafur Sigurðsson (IP-tala skráð) 30.8.2008 kl. 06:02]

Var bara að spauga, þú ert alveg þrældugleg