Útivistareglur!

Samkvæmt útivistareglum ríkisins, má ég núna vera úti til kl. 24.00 á kvöldin.
En þær spurningar renna fram fyrir mér, hverjum kemur það eiginlega við ef maður er úti eftir klukkan 24.00, ef ég myndi t.d. vera lengur úti en það, hvað er gert í því?
Hefur lögreglan þá leyfi ef hún sér mig úti á vappinu að skipa mér að fara heim, ef ég er ekki að gera neitt af mér og hef fengið leyfi frá foreldrum að vera svona langt fram eftir?
Lokaspurningin hljómar svona;
Við sem erum á mínum aldri megum vera úti til kl. 24.00, en hvenær megum við þá fara út úr húsi?

Endilega svarið þessum spurningum fyrir mig, þar sem ég hef ekki hugmynd um svörin, og segið mér ykkar álit, ég vil sjá hvernig fólk bregst við ..

Knús

Athugasemdir

[Jóhanna Magnúsar- og Völudóttir , 6.5.2008 kl. 17:06]

Nú verð ég bara að svara sem mamma/amma og mér finnst fjórtán ára ekkert hafa að gera úti eftir miðnætti.  Það er að sjálfsögðu í lagi yfir hásumarið útí garði hjá foreldrum eða slíkt. Það er nú meira að segja hættulegt fyrir eldri en 14 að vera úti á þeim tíma.

Veröldin er bara þannig að ,,ljótu kallarnir" fara mjög oft á stúfana á næturnar. Ég lenti aldrei í vandræðum með þennan útivistartíma með mína krakka - þau voru nú alltaf frekar heimakær og ég nennti ekki að vera á foreldrarölti til að leita að annarra manna börnum á meðan ég átti þrjá unglinga heima sem þurfti að sinna. 

Varðandi lögguna, já, hún hefur leyfi til að fylgja þér heim eftir kl. 24:00 því þú værir (eða foreldrar þínir sem bera ábyrgðina) að brjóta lögin.

Varðandi hvenær má fara út úr húsi á morgnana er mjög góð spurning!  .. hef aldrei pælt í því.. og því verða aðrir að svara.

Kannski eru hætturnar meiri í hinni stóru Reykjavík en hjá þér á Hornafirði.  

[Róslín A. Valdemarsdóttir, 6.5.2008 kl. 17:10]

Gott svar hjá þér Jóhanna!
Reyndar kemur það mjög sjaldan fyrir að ég sé úti eftir 12 á kvöldin. Nema í bíl þá með foreldrum eða systkini að láta sækja mig ef eitthvað er.
Auðvitað eru einhverjir svartir sauðir á Hornafirði eins og allstaðar annarsstaðar, en hingað til hafa þeir lítið látið bera á því að gera ungdóminum hér eitthvað.

Mamma og pabbi fá mig heim þegar þau vilja að ég komi heim, ég er ekki vandræðaunglingur!

[Linda litla, 7.5.2008 kl. 01:10]

Þú mátt vera lengur úti en til miðnættis ef að þú ert í fylgd með foreldrum..

Hafðu það gott sæta.

[Sigrún Jónsdóttir, 7.5.2008 kl. 13:12]

Úff Róslín mín, þú setur mann í vanda hér.  Enskumælandi byrja að telja inn daginn frá kl. 01:00 eftir miðnætti!  En við skulum bara halda okkur við íslenskan fótaferðatíma, t.d. við "fyrsta hanagal".

[Hansína Hafsteinsdóttir, 8.5.2008 kl. 15:01]

Þegar ég var í götusópinu í gamla daga (13 ára á Akureyri) þurfti ég að vera mætti til vinnu kl. 5.45. Þurfti að leggja af stað 5.30 svo að ég mundi bara segja að þú mættir vera komin á kreik upp úr 5 en bara á sumrin og alls ekki um helgar eða í kring um skemmtistaði. Nei annars sofðu bara til 7 það er öruggast. Skemmtilegt blogg hjá þér.

[Róslín A. Valdemarsdóttir, 8.5.2008 kl. 15:20]

Úff, það var nú ekki mikið sumarfrí sem þú áttir í því Hansína!
Ég bý ekki í miðbæ Hornafjarðar svo ég á ekki mikinn möguleika á því að lenda þar klukkan 5 um morgun!
Ég mun bara vakna þegar þess þarf, úff!