,,Afhverju býður Eva María mér ekki í viðtal?

Var eitt af því fyrsta sem spratt í huga mér þegar ég leit á sjónvarpið áðan þegar ég átti leið hjá því inní herbergi eftir dýrindis kvöldverð. Hef ég ekki eitthvað til þess að fara í viðtal til hennar?
Væri sko meira en til í það, sýna hver þessi Róslín Alma er. Veit ekki hvort margir myndu horfa á það, en ég myndi allavega horfa! Allt í lagi að fá svona inn á milli einn og einn ungling, allavega einn.
Ég hef margt um að ræða, get alveg sagt fólki mínar hliðar á pólitíkinni og öllu því rugli, frá lífi mínu, hvernig er að vera svona ótrúlega öfug. Þá meina ég, rauðhærð, örvhent, örfætt og lesblind..
Gæti m.a. sýnt fólki það sem ég hef afborið í lífinu, gamlar myndir, ljósmyndirnar mínar, myndbönd af mér, ljóð sem ég hef ort, myndir sem ég hef málað og margt annað.

Ef svo vill til að einhver hér sem les þetta þekkir Evu Maríu má nefna mig á nafn, mín vegna.....

Man að þegar Ellý Ármanns hélt uppi Sviðsljósinu hér á netinu, á vegum mbl.is, þá sendi ég henni e-mail um að taka viðtal við einhverja sem eru kannski ekki frægir. Fékk þó ekkert svar til baka ( svei þér Ellý djók). En allavega hef ég fengið gott orðspor frá henni, sem er bara æði.


Upp á grínið vil ég svo segja ykkur nokkrar staðreyndir um sjálfa mig, sem þið sum hafið kannski heyrt áður ( ef til vill mjög oft áður )...

•  Ég sef með bangsa. Þá meina ég að ég sofna oftast með hann í fanginu, og grænan kodda sem vinkona mín Árdís gaf mér í jólagjöf í fyrra. Bangsinn heitir Snússi ( já frumlegt nafn, heita það einmitt allir svona bangsar). Fékk hann í jólagjöf 4,5, eða 6 ára gömul, er ekki alveg viss. En jólanóttina ældi ég yfir hann, svo hann fór í sinn fyrsta þvott þá.
• Ég er ótrúlega hrikalega matsár, þegar ég var lítil á jólum og áramótum þá þurfti ég alltaf að háma í mig svo ég fengi mest af nammi og snakki. Endaði þær nætur eins og ég hafi verið á góðu fylleríi ælandi yfir allt...
• Meirihluti þess sem ég segi vini mína vera eru flest eldri en ég, þá meina ég ekki mánuðum eldri heldur nokkrum árum eldri. Svona er ég gömul sál, reyndar eins og ég hef sagt mörgum, þá finnst mér mikið skemmtilegra að tala við eldra fólk heldur en jafnaldra mína. Eldra fólk tekur meira mark á mér.
• Ég er mjög mikill ættfræðingur ( gæti þess vegna lært það ). Erfði það frá afa mínum Einari Ingimundarsyni. Ég er ótrúlega stolt af mínu fólki, og finnst ég alltaf eiga að geta kynnst því, reyndar hefur mér tekist það misvel. Sumir vilja ekkert með mann hafa, en aðrir taka á móti manni með opnum örmum. Þykir einmitt ótrúlega vænt um allt þetta fólk, þó að ég þekki það endilega ekki eins og lófann á mér ( þekki hann reyndar mjög lítið ).
• Fyrst ég var nú að tala um lófann á mér, þá er lífslínan mín á báðum lófum frekar mjög löng, hættir ekki fyrr en hún er komin frekar langt út fyrir lófann. Sem segir mér að ég verði eldgömul, vonandi eins og Sólveig heitin, hún einmitt fæddist á sama degi og ég, eða fyrir allmörgum árum þó. Hún var orðin 106 ára ef ég fer með rétt mál.
• Finnst tilvalið að þetta fái að fylgja; hrikaleg staðreynd. Systir mín hún Sædís ( vil skrifa þetta hér því ég veit hún les þetta), hataði mig mest í heimi þegar ég fæddist og þangað til örugglega bara til hún var 19 ára, sem hún var á síðasta ári. Gaman að segja frá því, hún naut þess að sparka í rassinn á mér og svona......

Ætlaði að setja eitt í viðbót, en það hrökk úr hausnum á mér þegar ég ætlaði að skrifa það..

Eva María, just call me and I'll be there.. eða bara sendu e-mail.. [e-mail]. Megið það reyndar öll ef ykkur langar til þess, bara gaman að fá e-mail .. Samt engin skítakomment takk!

Knús

Athugasemdir

[Guðrún Emilía Guðnadóttir, 2.3.2008 kl. 21:10]

 Er ég nokkuð búin að segja þér, hvað mér finnst þú frábær, góður penni,
bráð-skemmtileg, efnileg, falleg og góð, segi það hér ef ég væri ekki búin að því.
það verður eitthvað mikið úr þér snúllan mín.
Eva María er nú bara ekki í lagi ef hún tekur þig ekki í einn þátt.
                         Góða nótt Róslín Alma, Þín Milla.

[Róslín A. Valdemarsdóttir, 2.3.2008 kl. 21:11]

Ég er allt of feimin til að hringja sjálf Þoli ekki símtöl........
Það væri þó frekar fyndið að heyra í mér miðað við hvað ég skrifa, myndi örugglega stama svolítið eins og kemur fyrir mig. Svo er ég með svo skræka eða barnalega rödd að það væri bara fyndið já!
En þakka þér fyrir það Hallgerður mín
Fyndið að þú kallir mig rauðkollu

[Róslín A. Valdemarsdóttir, 2.3.2008 kl. 21:13]

Haha, æji þakka þér fyrir það Milla mín. Ekki láta mig fara hjá mér svona oft
Þú ert æðisleg Milla hihi!
Vonandi bara að Eva María sjái þetta, þá get ég gefið henni fyrstu myndina sem ég málaði, sem er einmitt með henni og Birni Thor..

Góða nótt Milla mín

[Hulda Björg Sigurðardóttir, 2.3.2008 kl. 21:37]

við erum greinlega eitthvað skildar ,,hahaha rauðhærðar, örfhentar , örfættar og báðar lesblindar,,  þetta er nú allveg magnað

[Róslín A. Valdemarsdóttir, 2.3.2008 kl. 21:38]

eitthvað pínu

[Þröstur Unnar, 2.3.2008 kl. 21:46]

Þú ert snilli.

Góða nótt litla gamla stelpa.

[Róslín A. Valdemarsdóttir, 2.3.2008 kl. 21:48]

Takk fyrir það Þröstur!
Góða nótt sömuleiðis

[Brynja skordal, 3.3.2008 kl. 00:57]

Tek undir þessi orð þú ert alveg meiriháttar penni gaman að lesa hér sæta skvís  já vonum að Eva sjái þetta eða einhver sem til hennar þekkir þú myndir sóma þér vel hjá henni leitt að geta ekki tala við þig í kvöld en þú pikkar mig bara upp næst þegar ég er inni

[Róslín A. Valdemarsdóttir, 3.3.2008 kl. 00:59]

Þakka þér fyrir Brynja
Ég mun án efa gera það, þú ert upptekin kona sé ég..

Og takk öll fyrir að hafa trú á mér, ég met það til mikils

[Halla Rut , 3.3.2008 kl. 01:15]

Þú ert stórkostleg.

[Róslín A. Valdemarsdóttir, 3.3.2008 kl. 01:18]

Þakka þér fyrir Halla Rut

[Anna Guðný , 3.3.2008 kl. 12:08]

Ég er eiginlega sammála fyrsta ræðumanni. Bara hringja sjálf. En svo sagðist þú ekki þora því en af hverju skrifar þú henni þá ekki? Þú gætir meira að segja forwardað þetta sem þú skrifaðir hér. Mér sýndist á commentunum hérna að þú værir búin að selja okkur öllum það að þú ættir erindi í þennan þátt.Þannig að áfram Róslín.

En þetta með systur þín. Ég á þrú börn. Strák sem verður 10 ára í ár.Og hann á svo tvær systur, eina 3 árum yngri og aðra 3 árum eldri.Algjörar valkyrjur báðar tvær. Mikið verð ég fegin þegar þau eldast. En líst ekkert á það ef ég þarf að bíða þangað sú elsta verður 19. Það eru heil 6 ár. Þau veðra búina að ganga frá hverju öðru.En svona í alvöru, þá er það byrjað að lagast.

[Róslín A. Valdemarsdóttir, 3.3.2008 kl. 14:45]

Hallgerður kann betur við það en að vera kölluð rauðkolla hahaha

Heyrðu Anna Guðný ég sendi henni e-mail, ekki búin að fá svar enn.. Kannski tók hún ekki mark á því, eða ég veit ekki!
En þetta með krakkana mun alltsaman lagast, vonandi