Austurland er ömurlegt!!!

Afsakið, en það finnst mér, guði sé lof að við tilheyrum Suðurlandinu meira, þar sem við Hornfirðingar erum gjörsamlega hötuð af nágrannabæjum okkar. Oftast eru okkar lið betri í fótboltanum, og allt reynt til að við komum til allra en aldrei neinn til okkar. Þoli ekki þetta blessaða lið hérna á Austurlandi, afsakið en þetta pakk fer bara algjörlega í mínar fínustu taugar einmitt í dag. Það var búið að fresta leikjum sem áttu á vera hérna heima, hjá 4. flokki að ég held. Foreldrar hringdu uppí íþróttahús og hingað heim, vegna þess að pabbi vinnur eitthvað við þetta. Við fórum aftur á móti okkar leið til Neskaupstaðar. Vorum í sambandi við mótstjórann, og hann sagði okkur bara að koma. Ég var líka í sambandi við þjálfarann hjá Fjörðum. Hann sagðist ekki þarna á Fáskrúðsfirði sjá yfir í næsta hús. Ég spyr nú bara hvað er langt milli húsanna þarna? Þar sem við keyrðum þarna og alla leið á Reiðarfjörð, veðrið á Oddskarði var upp í 30 metra á sekúndu. Við biðum þarna í klukkutíma eftir svari, þar sem þjálfarinn okkar var að fara til Reykjavíkur með meistaraflokkinn kom bróðir minn með okkur. Á endanum hringdi Chakki þjálfari í okkur og sagði okkur bara að drífa okkur heim aftur.

Hvað finnst ykkur í þessari stöðu að keyra allt í allt í 7 klst. og bíða inná sjoppu í 1 klst. við vorum eina liðið af þessum þremur sem reyndu okkar besta að komast, því við ætluðum að sýna þessum liðum okkar besta. Við ætlum ekki aftur að keyra þangað, þau geta vel komið bara hingað. Eða bara semja hvaða lið fer til Reykjavíkur að keppa á Íslandsmótinu....

Ég keppti bara í staðinn á dodgeball móti, og voru það stelpurnar í bekknum + ein í hinum bekknum. Við vorum svo góðar að tapa öllum leikjunum okkar...

 Ætla að finna mér eitthvað skemmtilegt að gera, t.d. klára Evan Almighty, já góð hugmynd, fer bara að kúra í koddana mína og hann Snússa bangsann minn..

 

KNÚS

Athugasemdir

[Guðrún Emilía Guðnadóttir, 3.2.2008 kl. 10:42]

Sem sagt þegar þú ert orðin framtíðin, þá munt þú skera djúpa dæld inn í
landið og  láta draga austfirðina út á haf, þar gætu þeir verið, en snúlla mín
leyfðu norðausturlandi að vera svo ég þurfi ekki að flytja frá Húsavík, enda eru völsungar bara góðir er það ekki?
Enn í alvöru þá er þetta ömurlegt staða að lenda í þess, en nota bene einu sinni beið ég í 11 tíma upp á ónefndri heiði, engin sjoppa, engin kom bíllinn og með einn brjóstsykurpoka í bílnum
en sem sagt þú fékkst að keppa í dodgeball, en voru þið ekki of góðar að tapa svona öllum leikjunum.
                                           Knús inn í daginn þinn
                                                     Milla.

[Róslín A. Valdemarsdóttir, 3.2.2008 kl. 11:20]

Aldrei að vita nema ég geri það bara. Ég skil norðausturlandið eftir, þar sem ég var nú alls ekki að tala um Húsavík svo þú hafir það á hreinu..
Úbbs, það hefur greinilega ekki verið mjög gaman!! Að bíða í 11 tíma!!

Við vorum bara sko ekki alveg í okkar besta standi í dodgeball, sumar einmitt búnar að sitja í 8 tíma í bíl frá kl hálf sjö um morguninn
Knús til baka

[Guðbjörg Valdís (IP-tala skráð) 3.2.2008 kl. 13:34]

Halló elsku Róslín mín.
Mikið er langt síðan ég hef kíkt á bloggið þitt... alltof langt síðan!
Alltaf jafn gaman að lesa pistlana þína. Þú ert frábær!

Hafðu það rosalega gott kæra vinkona.
Pé ess. Þorgeir Valur biður að heilsa þér 
Kv. Gugga

[Róslín A. Valdemarsdóttir, 3.2.2008 kl. 13:44]

Gaman að fá komment frá þér Guðbjörg
Hafðu það sömuleiðis rosalega gott, og ég bið að sjálfsögðu að heilsa litla krúttinu

[Guðrún Emilía Guðnadóttir, 3.2.2008 kl. 17:19]

Það er sko alveg á hreinu, ég veit að þú varst ekki að tala um Húsavík,
Fyrir tugum ára síðan var ætíð sagt, það ætti nú bara að skera Vestfirði frá landinu
höfum ekkert að gera með þá.
Enn spurningin var hvar ætti að skera, það er svo teygjanlegt.
þess vegna sagði ég nú þetta um Austfirðina, en eru þeir nú ekki bara ágætir
eftir allt saman?
                                 Kveðja Milla.

[Róslín A. Valdemarsdóttir, 3.2.2008 kl. 17:21]

tss... Ég þoli ekki athyglina sem Egilsstaðarbúar fá ( með fullri virðingu fyrir þeim) þá er ekkert merkilegra við þeirra bæ en okkar. Bara ríkara bæjarfélag, en þrátt fyrir það eru Egilsstaðir minni bær en minn, og það er spurt hvar er Hornafjörður, þá verður maður að segja rétt hjá Egilsstöðum. Alveg glatað!!