ef þú bara vissir...

Ég ætla að koma með smá bókagagnrýni þó ég sé ekki endilega best á því sviði.
ef þú bara vissir... er bók eftir Mörtu Maríu Jónasdóttur og Þóru Sigurðardóttur. Bókin fjallar um stelpu sem er í 9. bekk og heitir Klara. Klara lendir í ýmsu, t.d. sem hún heyrir fjölskylduleyndarmál fyrir slysni. Hún kynnist draumaprinsinum og svona fínerí. En ég ætla ekki að segja meir þar sem ég ætla ekki að kjafta frá bókinni.

En það tók mig allt í allt held ég 10 klst. að lesa bókina, og hélt hún mér vel við efnið, þar sem ég las 130 bls. í einu og svo kláraði ég það sem ég átti eftir í gær. Bókin sjálf er mjög góð og týpísk saga fyrir stelpur sem eru á þessum aldri. Skemmtilegt lesefni, þó nokkrar ritvillur sem gerir svosem ekkert til og já bara fínasta bók, mjög vel heppnuð og kápan utan á henni er líka flott.
Eitt sem ég fatta samt ekki alveg er þessi dagbók sem fylgdi með, en ég notaði hana bara til að skrifa það sem ég fékk í jólagjöf.

Annars eiga Marta og Þóra hrós skilið fyrir góða bók!

Svo er bara að demba sér í Kossar & Ólífur eftir Jónínu Leósdóttur, og þegar bókasafnið opnar ætla ég að taka fleiri bækur, er með þrjár í huga svo að ég hef nóg að gera